Jin, bi pêşengiya TJA û Komîsyona Jin û Zarokan a DEM Partiyê li Şirnexê meşiyan û bang li tevlêbûna danişîna fihuşê ku sibe bê dîtin kirin.
Tevgera Jinên Azad (TJA) û Komîsyona Jin û Zarokan a Partiya Wekhevî û Demokrasiyê ya Gelan (DEM Partî), tekildarî, “Lêpirsîna fihûşê” ya ku di sala 2013an de li Şirnexê li dijî 25 gumanbarên ku di nav wan de 3 çawîşê pispor û efserek jî heye veguherî dozê û sibe danişîna wê heye li qada Omer Kabak a navênda Şirnexê daxuyanî da. Berdevka Komîsyona Jin û Zarokan a DEM Partî Berîtan Guneş, parlamenterên DEM Partî ên Şirnexê Newroz Uysal Aslan, Mehmet Zekî Îrmez, Rêxistinên Partiya Herêmên Demokratik (DBP) û DEM Partî ên navçê û Şirnexê û gelek kes tevlî daxuyaniyê bûn. Jin beriya daxuyaniyê li qadê kom bûn û li vir dest bi meşê kirin.
Jin bi berzkirina dirûşmeyên, “Jin Jiyan Azadî”, “Bijî berxwedana jinan”, “Bêdengî mirinê berxwedan jiyan e” û “Em natirsin bêdeng nabin û îtîat nakin” û “Jinên Kurd li vir in hesab dipirsin” li qadê heta ber avahiya DEM Partî meşiyan û daxuyanî dan. Di daxutyaniyê de aktivîsta TJA Berîvan Kutlu axivî û bertek nîşanî destdirêjayiya li dijî jinan da û got ku destên xwe li ser jin û zarokan rakin.
‘Heta bêrsûc bên cezakirin têkoşîna me wê bidomê”
Piştre jî berdevka Komîsyona Jin û Zarokan a DEM Partî Berîtan Guneş axivî. Berîtan Guneş jî anî ziman ku lêpisîna bêrsucên fihuşê sibê bê dîtin û wiha got: “Bi faliyetên çetewarî Jin û zarok li derve anîne û fihuş pêkanîne. Em jî li dijî vê yekê li vir in. Tevî 11 sal ji ser re derbasbûnê jî lêpirsîneke bi bandor nehatiyê kirin. Em van kiryaran hemû bajarên Kurdistanê dibînin. Em ê hertim li dijî polîtikayên şerê taybet bin. Sucê li dijî zarok û jinan bê ceza dimînin. Em bang li hezên dewletê û wezareta navxweyî jî dikin ku sibe tevlî danişînê bibin û bibînin polîtikayên bê cezahiştine. Çima 11 sal in îdîaname nehatiyê amadekirin. Çima ew sûc bê cezahistin maye. Ji ber ku li Şirnexê hiquqeke taybet tê meşandin ew sûc bê ceza hatiye hiştin an na? Çawa koçberiya bajêr tevî kesên li dervê anîne qerta wan jî tune ye tiştek nekirine. Ji ber ku ew komareke cûda ye an na? Em ê li her derê li dijî van kiryaran têkoşîna xwe bidomînin. Em bang li hemû komele û saziyên dewletê dikin ku tevlî danişîne bibin û bibînin zarok û jin çawa ferî tiryake hatine kirin. Divê ew bersûc bi cezayê herî giran bên cezakirin. Heta bersûc bên cezakirin têkoşîna me wê bidomê.”
‘Hemû derfetên dewletê ji bo şerê taybet tê amadekirin’
Newroz Uysal Aslan jî bi lêv kir ku ew kiryar yek jî polîtikaya şerê taybet e û ev tişt got: “Hemû derfetên dewletê ji bo şerê taybet tê amadekirin. Bi her awayî polîtikayên şerê taybet li erdnîgariya me tê meşandin. Armanca şerê taybet ew e ku civakê parçebike. Li bajarên Kurdistanê bi destê çeteyan destdirêjayî li dijî jin û zarokan dikin. Li Şirnexê jî bersûcên ew sûc kirinê diyar e jî tenê 9 kes hatine girtin û ew jî 6 meh hatinê cezakirin. Em li vir dibêjin em ê li dijî şerê taybet bêdeng nemînin û têkoşîna xwe mezintir bikin. Heta bersûc bên cezakirin û şerê taybet di erdnîgariya me de biqede em ê li ber xwe bidin û xwe bi rêxistin bikin.”
