Riha- Meclisa Ciwanan a DEM Partiyê bi minasebeta 4ê Nîsanê roja rojbûna Rêberê Gelê Kurd Abdullah Ocalan bi şiyara “Bi civaka demokratîk em ber bi azadiyê ve dimeşin” dimeşin Amarayê. Ciwanan li navçeya Sêwêregê gora Mahmût Zengîn ziyaret kirin û ber bi Curnê Reş ve ketin rê.
Kurd di 76emîn salvegera rojbûna Rêberê Gelê Kurd Abdullah Ocalan de çalakiyên cuda li dar dixin. Meclisa Ciwanan a DEM Partiyê jî bi şiyara “Bi civaka demokratîk em ber bi azadiyê ve dimeşin” 2 roj in dimeşin Amarayê. Endamên Meclisa Ciwanan a DEM Partiyê di 1ê Nîsanê de ji her aliyên Kurdistanê hatin li Qada Şêx Seîd a Amedê kom bin û dest bi meşe kirin. Ciwan di roja diyemîn de ji Sêwêregê ber bi Curnê Reş ve ketin rê. Ciwan beriya ku têkevin rê serê sibê çûn ser gora Mahmut Zengîn ê li zindana Amedê li dijî zilm û îşkenceyê li gel Ferhat Kurtay, Eşref Anyik û Necmî Oner bedena xwe dan ber agir û ew li ser gora wî bibîr anîn.
Ciwanan li Goristana Asrî ya Sêwêregê gora Mahmut Zengîn ziyaret kirin û piştre ber bi navçeya Curnê Reş (Hîlvan) ve ketin rê. Ciwan beriya têkevin rêya Curna Rêş li hev kom bûn û govend gerandin. Piştre ketin rê.
