Endamên komên paramîlîter ên girêdayî Artêşa Tirk li Minbicê gorên li Goristana Şehîdan wêran kirin.
Malbatên şehîdan ên bajarê Minbicê di sibeha Cejna Remezanê de çûn serdana gorên zarokên xwe yên şehîd. Malbatan dîtin ku komên paramîliter ên girêdayî dewleta Tirk gorên şehîdan şikandine û wêran kirine. Malbatan li dijî vê yekê bertekên xwe anîn ziman. Malbatan wêne û vîdeoyên wêrankirina gor û goristanê li ser hesabên xwe yên medya dijîtal parve kirin û bertekên xwe yên li dijî êrîşa gor û goristanê anîn ziman. Malbatên şehîdan anîn ziman ku xerakirina goran binpêkirina pîroziya şehîdan e û hewldana ji holê rakirina sembolên têkoşîn û fedakariyê ye.
