Ciwanên DEM Partiyê ku bi boneya 76emîn rojbûna Rêberê Gelê Kurd Abdullah Ocalan ber bi Amarayê ve “Bi civaka demokratîk em ber bi azadiyê ve dimeşin” ketin rê, li Curnê Reş piştî gorên kesên di têkoşîna azadiyê de jiyana xwe ji dest dane ziyaret kirin ber bi Rihayê ve derketin rê.
Ciwanên ku bi boneya 76emîn rojbûna Rêberê Gelê Kurd Abdullah Ocalan bi şiyara “Bi civaka demokratîk em ber bi azadiyê ve dimeşin” ji Amedê ber bi Amarayê ve dimeşin çûn serdana Goristana Curnê Reş. Ciwanan gorên kadroyên pêşeng ên PKKê yên di salên 1979-80an de jiyana xwe ji dest dane Cuma Tak, Salîh Kandal, Emîn Yavûz, Halîl Çavgun, Sûltan Yavuz, Hanim Kaya, Fîdan Kaya, Berfîn Yetkîn ên di têkoşîna azadiyê de jiyana xwe ji dest dabûn, li Goristana Hîlvanê ya Asrî ziyaret kirin. Tevî ciwanan xwişka Salih Kandal Aynur Yilmaz û Parlamentera DEM Partiyê ya Mêrdînê Bêrîtan Guneş Altin jî tevli serdanê bûn. Bîranîn bi deqîqeyek rêzgirtina ji bo bîranîna kesên di têkoşîna azadiyê de jiyana xwe ji dest dane dest pê kir. Ciwanan piştî serdana goristanê kirin, ber bi Rihayê ve derketin rê.
