Beşa yekemîn a dokumentera Vejîna Kurd a ‘Di Nava Pençê Qirkirinê De’ li gor saeta Amedê 20:00an de di Stêrk TV de ket weşanê.
Danasîna beşa yekemîn a ‘Vejîna Kurd’ di Stêrk TV de ket weşanê. Danasîna beşa yekemîn a ‘Vejîna Kurd’ ku li ser dîroka PKKê hatiye amadekirin û weke rêzefîlmeke ji 90 beşan tê plankirin, hat weşandin.
Rêzefîllm ji aliyê Komuna Belgefîlm a Şehîd Gulistan Tara ve hatiye amadekirin, beşa yekemîn ket weşanê. Rêzefîlm bi beşa xwe ya ewil a bi navê ‘Di pençên qirkirinê de’ di Stêrk TV û Medya Haberê de ket weşanê. Serpêhatiyên gelê Kurd di dirêjahiya dîrokê de, rola wan di pêvajoyên şaristaniyê de û sedemên serhildanên 200 salên dawî bi berfirehî tên nirxandin.
Di heman demê de bi avabûna Komara Tirkiyeyê re dersînorkirin û komkujiyên li dijî Kurdan hatine kirin û zexta qirkirinê tê vegotin.
Di beşa bi sernavê ‘Di pençên qirkirinê de’ nirxandinên dîroknasên pispor û kadroyên PKKê cih digirin. Di vê çarçoveyê de li ser girîngiya dîroka Kurdistanê nirxandin tên kirin û sedemên derketina PKKê jî tên destnîşankirin.
Di rêzefîlmên din de çîroka koçberiyê ya malbata Rêberê Gelê Kurd Abdullah Ocalan, derketina Rêber Abdullah Ocalan û salên zarokatiya wî wê bên nîşandan. Ev pêvajo wê bi rêya anîmasyonên sînemayî ji temaşevanan re bê nîşandan.
Versiyona Kurdî ya rêzefîlmê di 2’yê Nîsanê ket weşanê. Ji niha û şûnde dê her Çarşemê di Stêrk TV de bê weşandin û versiyona Tirkî wê ji 4ê Nîsanê û pê ve her roja Înê li Medya Haberê bê weşandin.
Piştî di televîzyonê de hat weşandin, beşa rêzefîlmê wê bi temamî li ser hesabê fermî yê Komunê yê YouTubeyê bê weşandin. Her wiha, beşên di YouTubeyê de tên weşandin, eger bê xwestin dikarin bi jêrnivîsa Îngilîzî werin temaşekirin.
