Şêniyên Bakur û Rojhilatê Sûriyeyê û bajarê Helebê bi çalakiyan 4ê Nîsanê roja rojbûna Rêberê Gelê Kurd Abdullah Ocalan pîroz kir.
Li herêmên Bakur û Rojhilatê Sûriyeyê û bajarê Helebê çalakiyên bi boneya pîrozkirina roja 4ê Nîsanê rojbûna Rêberê Gelê Kurd Abdullah Ocalan didome.
Tirbespiyê
Li bajarê Tirbespiyê bi beşdarbûna endamên saziyên civaka sivîl û şêniyên bajêr, li goristana şehîd Dilşêr li gundê Digirê, nêzî 70 darên cuda hatin çandin. Di heman demê de li parka şehîde Zekiya ya li bajêr jî 20 dar hatin çandin.
Heleb
Bi serpeştiya Kongra Star li Helebê, şêniyên taxên Şêx Meqsûd û Eşrefiyê 200 dar li qada Newrozê ya li devera Şiqêf çandin. Endamên Kongreya Star, endamên partiyên siyasî, civaka sivîl, mecil û komîn û tegerên jinan û ciwanan tevlî çalakiya çandina daran bûn.
Qamişlo
Kongra Star bi boneya rojbûna Rêber Abdullah Ocalan li hola Melekiyê ya li bajarê Qamişlo civînek lidarxistin. Bi dehan şêniyên bajarê Qamişlo û Nûnerên ji Rêveberiya Xweser ya Kantona Cizîrê beşdarî civînê bûn. Civîn bi deqeyek rêzgirtinê dest pê kir, piştre endama Kongra Star Bişeng Vejîn axivî û rojbûna Rêber Abdullah Ocalan pîroz kir. Bişeng Vejîn anî ziman ku tevî Rêber Abdullah Ocalan 26 in li zindanê girtî ye jî berxwedaniyek pir mezin û bi hêzeke xurt dijî.
Amûdê
Şêniyên bajarê Amûdê û bajarokê Sinceqa Sadûn 35 dar li “Baxçeyê Rêbertî” çandin û dilsoziya xwe ya ji bo Rêber Abdullah Ocalan anîn ziman. Her wiha li Akademiya Malbatên Şehîdan a Amûdê jî 15 dar çandin. Beşdaran dirûşmeyên “Bijî Berxwedana Rêber Apo” qîr kirin û wêneyên Rêber Abdullah Ocalan û alên PKK’ê bilind kirin.
Til Hemis
Di heman çarçoveyê de şêniyên bajarê Tel Himîsê û gundên derdora wê meşek lidarxistin. Di mesa ku li pêşiya meclîsa bajêr dest pê kir beşdaran wêneyên Rêber Abdullah Ocalan û alên Hêzên Sûriyeya Demokratîk hildan û dirûşmên “Bijî berxwedana Rêberê Gelê Kurd Abdullah Ocalan” û “Bijî berxwedana Hêzên Sûriyeya Demokratîk” berz kirin.
Girseya gel li navenda bajêr kom bûn û piştî deqeyek rêzgirtinê heverokê Partiya Muhafazakar li Til Hemîsê Ferec Ibrahîm axivî û berxwedana Rêber Abdullah Ocalan û têkoşîna wî ya ji bo rizgarkirina gelan ji rejîmên otorîter, silav kir.
Endama Kongreya Star a bajarê Til Hemîsê Efra Abbas jî axibî û got: “4’ê Nîsanê rojbûna Rêberê me ye, roja jidayikbûna azadiya jinê û roja wekhevî, edalet û demokrasiyê di navbera hemû pêkhateyan de ye. ”
Rêveberê Naveda Perwerdeyê ya Til Hemîsê Xelîl El Ebdullah jî destnîşan kir ku, “Bi rojbûna Rêber Abdullah Ocalan ku roja zayîna azadiya me ye, em soz didin Rêbertî ku em ê têkoşîna wî bidomînin.”
Meş bi qîrîna dirûşmên “Bijî berxwedana Rêber Abdullah Ocalan” bi dawî bû.
Kobanê
Desteya Jîngehê û sazî û dezgehên Rêveberiya Xweseriya Demokratîk ên Kantona Firatê bi boneya 4`ê Nîsanê li baxçeyê Rêber Abdullah Ocalan Li gundê Siftekê yê rojavayê Kobanê bi sedan dar hatin çandin. Endamên Desteya Jîngehê û yên sazî û dezgehên giyêdayî Rêveberiya Xweser û Kongra Star beşdarî xebata çandina daran bûn. Piştî çandiniya daran daxuyaniyek ji aliyê endama Kongra Star a bajarê Kobanê Hêvîn Elî ve hate dayin.
Di daxuyaniyê de hate gotin: “Em 4`ê Nîsanê li Rêber Apo û tevahî mirovahiyê , gerîlayên serê çiyan û şervanên di çeperên şer de pîroz dikin. Rêber Apo her tim xweza parastiye, divê em jî hîn daran biçînin û xwedî li xwezayê derkevin û xwezayê biparêzin. ”
Her wiha hate gotin: “Rojbûna Rêber Apo Rêjbûna tevahî mirovahiyê ye, her wiha Rêber Apo rojbûna mafê Jinan e.” Di heman çoveyê de li gundê Şêxçopan yê başûrê Kobanê û li navenda bajarê Çelebiyê yê girêdayî bajarê Kobanê dar hatin çandin.
