Bi hezaran welatî, bi boneya 4ê Nisanê Roja Rojbûna Rêberê Gelê Kurd Abdullah Ocalan, ji herêma Derya Marmara, Ege û Derya Spî bi hezaran kîlometre rê hatin û xwe gîhandin navçeya Xalftetiyê ya Rihayê. Bi hezaran welatiyên ku li Parka 4ê Nîsanê kom bûne govendê digerînin.
Meclisa Ciwanan a DEM Partiyê bi boneya 76emîn salvegera rojbûna Rêberê Gelê Kurd Abdullah Ocalan ji Amedê ber bi Amarayê ve bi şiyara “Bi civaka demokratîk em ber bi azadiyê ve dimeşin” meş li dar xistin. Meş di roja sêyemîn de didome. Ciwan piştî meşa dûr û dirêj xwe gîhandin navçeya Xalfetiyê ya Rihayê. Li aliyê din bi hezaran welatiyên ku ji Stenbol, Îzmir, Edene û Mêrsînê ango Derya Ege, Marmara û Derya Spî hatin piştî rêya dûr û dirêj xwe gîhandin navçeya Xalfetiyê. Dîsa bi hezaran welatî ji Sêrt, Êlih, Şirnex, Mêrdîn, Dîlok û Semsûrê hatin Xalfetiyê. Herikîna qadê li gel astengiyan didome. Ciwan dê sibê bimeşin gundê Amarayê.
