Meşvanên Amarayê ji ber avahiya DEM Partiyê ya Xelfetiyê bi meş û berzkirina dirûşmeyan hatin qada mihrîcanê.
Meclisa Ciwanan a DEM Partiyê bi boneya 76emîn rojbûna Rêberê Gelê Kurd Abdullah Ocalan çar roj in bi şiyara “Bi Civaka Demokratîk Em ber bi Azadiyê ve Dimeşin” Amarayê. Meşvan di roja 4an de li ber avahiya DEM Partî ya navçeya Xelfetiyê bi meş ketin qada mihrîcanê lê tê lidarxistin. Ciwanan di meşê de bê navber dirûşmeyên, “Bijî Serok Ap”, “PKK gel e gel li vir e”, “Li çiyan negerin Apocî li her derê ne”, “Kurdistan goristan ji bo faşistan” berz kirin. Girseya li qadê bi coş û peroşek xurt hatina ciwanan pêşwazî kirin. Ciwan û girse li qadê ketin milê hev û govend gerandin.
Mihrîcan bi stran û gerandina govendê berdewam dike. Di seatên pêş de girse wê ber bi gundê Amara ku Abdullah Ocalan lê hatiye dinê ve dest bi meşê bikin û li gund pîrozbahî li dar bixin.
