Nexweşxaneya Florence Nightingale bi daxuyaniyeke nivîskî ragihand ku xetereya jiyanî ya Sirri Sureyya Onder zêdetir bûye û wiha got: “Mixabin rewşa wî ya nurolojîk hêdî hêdî xerab bû. Em gihîştin merhaleyeke din a xerab.”
Nexweşxaneya Florence Nightingale derbarê rewşa Endamê Şandeya DEM Partiyê û Serokwekîlê Meclisê Sirri Sureyya Onder ku 13 rojin di beşa lênehirîna awartê de tê dermankirin daxuyaniyeke niviskî parve kir. Di daxuyaniyê de wiha hat gotin: “Her çend wî îstîqrara xwe ya hemodînamîk di bin ECMO (amûra alîkariya dil) û dermankirina piştevaniya inotropîk de domand, mixabin rewşa wî ya nurolojîk hêdî hêdî xerab bû. Em gihîştin merhaleyek din a şikestinê. Refleksên nexweşê me kêm bûn e û edema mêjî berdewam dike. Mixabin metirsiya li ser jiyanê her ku diçe zêdetir dibe. Lê belê em ê bi pêkanîna dermankirinên xwe bi sebir li bendê bisekinin.”
