Amed – Ji bo zarokan şad bike, kolan bi kolan û tax bi tax digere Xalê Fexredîn. Bi şadkirina zarokan şad dibe. Şadkirina zarokên jî dibe çavkaniya debara wî.
Xalê Fexredîn bê westan û rawestan tax bi tax kolan bi kolan digere û dilê zarokên Amedê bi çerxefelekê şad dike.
Xalê Fexredîn xwe weke Fexredînê Çinarê dide nasîn. Xalê Fexredîn 52 salî ye. Çerxefeleka wî heye û ew tax û kolanan digere zarokan lê siwar dike. Fexredînê Çinarî vî karî 17 sal e ji bo dilê zarokan xweş bike dike. Zarok dema ku wî dibînin pir kêyfxweş dibin. Buhayê siwarbûna vê çerxefelekê 20 an jî carnan jî 30 lîre ye. Lê ew ji kesî pere naxwaze û tenê dixwaze dilê zarokan kêyfxweş bike. Kê ji bêrika xwe çiqas derxe û bidê ewqasê digire.
Der barê karê xwe de Xalê Ferxredîn wiha dibêje: “Ez di demsalên bihar û havînan de debara xwe bi vî karî dikim. Zivistanan jî betal im. Li gel xaniyê min kirê ye jî ez kareke bike nabînim.”
Ew bi taybetî diçe li nêzî dibistanan û zarokan lê siwar dike. Fexredîn her dem di nava hewldana xebatan de ye. Lê kesên ku gotine ’em ê alîkariya te bikin’ ew xapandin e lê dîsa jî bi vê karî kêm zêde ew yewmiyeya xwe derdixe û rojê 500 lîre an jî hezar lîre qezenc dike.
