Akademîsyenê Aştiyê û parêzer Cenk Yîgîter li ber mala xwe rastî êrîşa çekdarî hat. Yîgîter ku zêde xwîna wî çû, rakirin beşa lênihêrîna awarte.
Akademîsyenê Aştiyê û parêzer Cenk Yîgîter li pêşiya mala xwe ya li navçeya Çankaya a Enqereyê rastî êrîşa çekdarî hat. Yîgîter ku di êrîşê de birîndar bû, rakirin Nexweşxaneya Îbnî Sînayê. Hat zanîn ku Yîgîter zêde xwîna wî çûye û rakirin beşa lênihêrîna awarte.
Hat diyarkirin ku Yîgîter li ser malpera danûstandinê ya dijîtal sahibinden.comê gîtara xwe dabû ber firotinê. Kesên êrişkar jî bi hinceta kirîna gîtarê hatin ber deriyê Yîgîter û bang lê kirin ku derkeve derve û di wê navberê de jî êrîşî wî kirin.
Yîgîter ku tevî keça xwe derket derve, êrîşkarên bi hinceta kirîna gîtarê hatibûn nedît û li wir sekinî. Keça Yîgîter jî ji bo dîtina êrîşkarên ku qaşo rê nedîtina dûr ket û di wê navberê de êrîşî Yîgîter hate kirin. Di êrîşê de guleyek li kemaxa Yîgîter ket û ji mîzdankê derket. Guleyê zirareke mezin da laşê Yîgîter.
Piştre jî êrîşkaran ji Yîgîter re peyama “Me vê carê nekarî danûstandinê bikin lê strana din em ê bi hev re bibêjin” şandin û gef xwarin.
Yîgîter ku piştî êrîşê gelek xwîna wî çû, rakirin beşa lênihêrîna awarte.
Ajansa Mezopotamyayê (MA) xwe gihand dîmenên kêliya êrîşê. Kamerayên ewlehiyê kêliyên êrîşê kişandin. Di dîmenan de tê xuyakirin ku êrişkar 2 kes in û ciwan in. Di dîmenan de tê dîtin ku êrîşkar ji ewil Yîgîter heta demekê li derdora malê dişopînin û êrîşkarek her tim bi telefonê diaxive. Piştî ku Yîgîter heta deriyê malê dişopînin, êrişkar ji qada kamerayê derdikevin. Demek piştre êrîşkar di dest de çek dîsa paşve baz didin.
