Li gundê Zîlanê ya ser bi navçeya Hezo ya Êlihê ve zarokê 13 salî Nûrî Sevîm di ava çem de xeniqî.
Li gundê Zîlanê ya ser bi navçeya Hezo ya Êlihê ve zarokê 13 salî bi navê Nurî Sevîm ji bo xwe hînîk bike tevî hevalên xwe çû Çemê Batmanê yê li ber gund. Nurî Sevîm ê ku ket avê, noqî avê bû û winda bû. Piştî bûyer hat bihîstin, xelkê gund û xelkê gundên derdorê li hawarê çûn û dest bi lêgerînê kirin.
Tevî ku tîmên lêgerînê û rizgarkirinê yên AFADê hatin cihê bûyerê jî gotine ku noqkarê wan tune û li cenaze negeriyan e. Gundiyan tefî derfetên xwe yên kêm jî lêgerînê kirin û di encama lêgerînê de saet li derdora 10ê şevê cenaze di çem de dîtin û derxistin.
Cenaze ji bo karûbarên otopsiyê rakirin morga Nexweşxaneya Perwerdehiyê û Lêkolînê ya Êlihê. Cenaze piştî karûbarên otopsiyê dê li goristana gundê Zîlan bê veşartin.
