Şirnex – Li Herêma Sefîneyê ya Çiyayê Cûdî gelek gorên endamên PKKê lê hatibûn veşartin, leşkerên Tirk goran rûxandin e û ji goran tene çend heb kevirên şikestî man e.
Li Herêma Sefînê ya gundê Gulindor ku dikeve nava Çiyayê Cûdî de goristana Lawkê Xerîb û cenazeyên gelek gundiyan her wiha cenazeyên gelek endamên PKKê jî li vir hatibûn definkirin. Piştî sala 2011an li herêma gundê Spîndarokê ji bo endamên PKKê Goristana Cûdî hatibû çêkirin û ji gelek deverên Çiyayê Cûdî cenazeye endamên PKKê ku di dem û cihên cuda de jiyana xwe ji dest dabûn anîbûn li vir veşartibûn.
Li goristanê tenê gorek maye
Weke deverên din hejmarek zêde cenazeyên endamên PKK li goristana Lawkê Xerîb jî biribûn Goristana Cûdî. Di sala 2016an de Goristana Cûdî hat rûxandin. Her wiha gorên endamên PKKê yên mabûn jî li Goristana Lawkê Xerîb jî ji aliyê hêzên artêşa Tirk ve hatine rûxandin û niha cihê goran jî nayê zanîn. Di goristanê de tenê Tirba Lawkê Xerîb maye.
Kevirên goran parçe parçe kirin e
Ji ber ku şopên gorên PKKiyan jî li goristanê nemane nayê zanîn ka çend gor hatine rûxandin. Her wiha ji goran tenê çend parçe kevirên mermer ku navên PKKiyan li ser nivîsandibûn man e. Di van kêlikan de tene parçeyên navê Şoreş, dîrokek 1992 û dîrokek 1978 û navê navçeya Elbîstanê li ser nivîsî man e.
