Nazîme Morsumbul a ku du kurên wê di nava têkoşîna azadiyê de jiyana xwe ji dest dabûn, li nexweşxaneyê wefat kir.
Nazîme Morsumbul a ku li Çewlikê dijiya, çend roj berê ji ber ku xwîn çibû ser mîdeya wê, ew rakiribûn nexweşxaneyê û piştre şandibûn nexweşxaneya Erziromê. Nazîme Morsumbul li nexweşxaneyê hate emeliyatkirin. Morsumbulê di 12ê Tîrmehê de jiyana xwe ji dest da.
Kurê wê Erdal Morsumbul (Murat) di sala 1996an de li Amedê, kurê wê yê din Serdar Morsumbul (Seyît Riza) jî di sala 2005’an de li Dêrsîmê jiyana xwe ji dest dabû.
Nazîme Morsumbul a ku di sala 1954an de ji dayik bibû, li Çewlîkê di nav civakê de kesayeteke hezkirî bû û bi taybetmendiyên xwe yên welatparêz û berxwedêr dihat naskirin.
