Serokê DTOyê Dr. Veysî Ulgen destnîşan kir ku aştî bingeha tendirustiyê ye û wiha got: “Ji bo ku zarokên me di pêşerojê de di nava azadî û aştiyê de mezin bibin divê hemû partiyên siyasî û saziyên sivîl piştgiriya pêvajoyê bikin.”
* Polîsan li Stenbolê ji ber muzîka Kurdî êrişî malbateke Kurd kirin. Li gorî daneyên ÎHDê, TÎHV û ji ajansan me ber hev kirine di 15 salan de 321 êrişên nîjadperest li dijî ziman, çand û muzîka Kurdî pêkhatinê. Di encama van êrişan de 32 kesan jiyana xwe ji dest dane û hezar 176 kes jî birîndar bûne.
* Koçerên zozanê Hesendîkê her demsalên havînê pezê xwe tînin li vir diçêrînin û debara xwe bi sewalkariyê dikin. Koçer Yunus diyar kir ku ew demsala havînê tên zozên û heta demsala payizê li vir in û got: “Zozanê me dewlemend e. Ev zozan çavkaniya debara me ye.
* Emîne Dogana ke 1994î de bi zor dewa xo Veroze re ameya vetene û bar kerdo şîya Erzingan, kîşta Gola Ana Buyere de nuşte ro û ma rê surginîya xo qisey kerd û va: “Esker ebi tufangan na ma ra, domanê mî le mî de bî, zîrçayîş hayleme dê hebê mend ke ma bî kişê.”
* Şandeya DEM Partiyê dê bi Wezîrê Dadê re hevdîtinê bike (11,00)
* Şandeya DEM Partiyê dê di nava rojê de bi MHP û Gelecek Partiyê re hevdîtinê bike. (12.00-14.00)
* Di pêşengiya TJA, DBP û DEM Partiyê de civînên Aştî û Civaka Demokratîk li tax û gundan berdewam dikin.
