Endamên Şandeya Îmraliyê Pervîn Bûldan, Mîthat Sancar û Faîk Ozgur Erol dê îro gelek hevdîtinan bikin. Şande, dê ewilî bi Wezareta Dadê û paşê bi Partiya Gelecekê û MHPê re hevdîtinê bike.
Endamên Şandeya Îmraliyê ya Partiya Wekhevî û Demokrasiyê ya Gelan Pervîn Bûldan, Mithat Sancar û Faîk Ozgur Erol, îro dê hin hevdîtinan bikin. Şande dê ewilî li Wezareta Dadê bi Wezîrê Dadê Yilmaz Tûnç re hevdîtinê bike. Hevdîtin saet di 11.00an de dest pê kir. Tê payin ku di hevdîtinê de li ser rewşa girtiyên nexweş, biryarên DMMEyê û temînatên qanûnî yên piştî merasîma îmhakirina çekan ji aliyê PKKê ve bê axaftin.
Şande paşê dê saet di 12.00an de li Navenda Giştî ya Partiya Gelecekê bi Hevserokê Giştî yê Partiya Gelecekê Ahmet Davûtoglû re û paşê jî dê saet di 14.00an de li Odeya Komê ya Meclisê bi Serokê Giştî yê MHPê Devlet Bahçelî re hevdîtinê bike.
