Bi pêşengiya Odeya Bişîjkan 269 saziyan ji bo piştgiriyê bidin aştiyê daxuyanî dan û gotin: “Divê her kes piştigiriyê bide pêvajoyê.”
Rêberê Gelê Kurd Abdullah Ocalan di 27ê Sibatê de banga “Aştî û Civaka Demokratîk” kir. Piştî bangê Partiya Karkerên Kurdistanê (PKK) di 12ê Gulanê de encamnameya kongereya xwe eşkere kir. PKKê ragihand ku xwe fesix kiriye. Di 9ê Tirmehê de jî Rêberê Gelê Kurd dîsa bangêkî bi dîmen kir. Piştî bangê koma Aştî û Civaka Demokratîk ku endamên PKK bûn, bi merasimek heybet çêk şewitandin. Piştî wan bûyeran piştigiriya pêvajoyê berdawam dike. Li Navênda Kongereyê Çand Amedê bi banga Odeya Bijîşkan ya Amedê 269 saziyan daxuyaniyek hevpar dan. Di daxuyaniyê de endam û rêveberên saziyên civakî û gelek kes beşdar bûn.
‘Pêvajoyeke dîrokî ye’
Nûnerên saziyan li eywanê pankartê “Jiyan û aştiyê biparêzin” vekirin. Serokê Odeya Bijîşkan a Amedê Veysî Ulgen daxuyanî da.
Veysî Ulgen diyar kir ku ji bo neçareserkirina pirsgirêka kurd ew 40 sal in şer heye û wiha axivî: “Bi deh hezaran kesan jiyana xwe ji dest da. Bi milyonan kes koçber bûn. Sedema kuştinan zimanê şoven e. Mafê mirovan hat binpêkirin. Peyvên aştî û azadî bû amûrên şer. Zimanê şer, kuştin, binpêkirina mafên mirovan zêde kir. Di 1ê Cotmehê 2024an de serokê MHPê Devlet Bahçelî destê xwe dirêjî hevserokê DEM Partiyê kir. Piştî vê pêvajo dest pê kir û 27ê sibatê banga birêz Abdullah Ocalan, û banga bidîmen ya 9ê Tirmehê û dawiyê 11ê Tirmehê komekî gerîla çêk şewitand. Piştî wan bûyeran pêvajo gihişt astekî dîrokî. Ji niha û şûnde devê aştî nebe sedema serkeftina yek alî.”
‘Divê her kes piştgiriyê bide pêvajoyê’
Veysî Ulgen destnîşan kir ku ew jiyanê diparêzin û wiha axivî: “Em wekî parastvanên ked, demokrasî û rêxistinên sivîl dizanin ku li Rojhilata Navîn aştî şer zehmetir e. Aştî ne tenê bêdengiya çekan e. Aştî pêşxistina demokrasî, wekhevî, jiyanek hevpar e. Em bang deshilatdar, partiyên siyasî û saziyên civakî dikin ku ji bo aştiyê bixebitin. Ji bo pêvajoyê divê girtiyên nexweş û siyasî ben berdan. Qayyûm paşve bêne kişandin. Divê xizmetên zimanê zikmakî pêk bê. Ev gav bên avêtin dê aştiyek civakî jî pêk bê. Em bang dikin ku ev pêvajo bi dilrastî berdewam bike.”
