Amed – Şaxa SESê ya Amedê dijî Peymana Komkarî avahiya xwe ya Semta Ofisa Amedê daxuyanî da û xwest ku divê peymana girêbesta kar bi awayekî demokratîk bê îmzekirin.
Li Amedê kedkarên tenduristiyê ji bo îmzekirina peymana girêbesta kar û nêzîkatiya li hemberî kedkarên tenduristiyê daxuyanî dan. Şaxa Sendîkaya Kedkarên Tenduristiyê û Xizmeta Civakî (SES) ya Amedê avahiya xwe ya semta Ofîsa Yenîşehîrê daxuyanî da çapameniyê. Di daxuyaniyê de endam û rêveberên saziyên tenduristiyê û gelek kes tev li bûn. Li avahiyê pankarta “Em şano naxwazin em girêbesta kar a rastî dixwazin” hat vekirin. Nûnerê SESê ya Nexweşxaneya Zanîngeha Dîcleyê Sezgîn Guler daxuyanî xwend.
‘Divê peymana girêbesta kar bi awayekî demokratîk werê îmzekirin’
Sezgîn Guler diyar kir ku rewşa kedkarên tenduristiyê her roj diçe ku girantir dibe û wiha axivî: “Heqê me her roj dixelê. Her roj karkerên tenduristiyê bi mobîngê re rû bi rû dimînin. Qeyrana aboriyê girantir dibe. Di bin mulaketê de mafê karkeran tê binpêkirin. Divê peymana girêbesta kar bi awayekî demokratîk werê îmzekirin.”
‘Em ê li her qadê daxwazên xwe bînin ziman’
Sezgîn Guler destnîşan kir ku ew e her dem li dijî binpêkirina mafan di nava têkoşîne de bin û ev tişt anî ziman: “Divê zagona sendîkayan werê derxistin. Sîstema bacê were guherandin. Bacê ku kedkaran tê standin divê ji sêdî 10 bibe. Divê biryarên KHKê bên betal kirin. Em ê wekî SESê li her qadê daxwazên xwe bînin ziman.”
