HPGê ragihand ku di navbera 13ê Tîrmehê û 23yê Tîrmehê de artêşa Tirk êrîşên xwe yên li ser Herêmên Parastinê yên Medyayê dewam kir.
Navenda Ragihandin û Çapemeniyê ya Hêzên Parastina Gel (HPG-NRÇ) bi daxuyaniyeke nivîskî ragihand ku êrişên dewleta Tirk ên li ser Herêmên Parastina Medyayê didomin. Daxuyaniya HPGê bi vî rengî ye:
“Ji 13ê Tîrmehê heta 23yê Tîrmehê êrîşên artêşa Tirk a dagirker ên li ser Herêmên Parastinê yên Medyayê dewam kir.
Li gorî vê yekê;
13, 17, 19 û 21ê Tîrmehê li herêma Metînayê tunelên me yên li Qadên Berxwedanê yên Bêşîlî û Serê Metînayê 6 caran bi dronên bombebarkirî hatin bombekirin.
17, 18 û 21ê Tîrmehê li herêma Metînayê Qada Berxwedanê ya Serê Metînayê 362 caran bi çekên giran, top û obusan hate bombekirin.
13, 17 û 19ê Tîrmehê li herêma Şehîd Delîl a Rojavayê Zapê Qada Berxwedanê ya Girê Bahar 11 caran bi çekên giran, top û obusan hate bombekirin.
20ê Tîrmehê li herêma Metînayê bi çekên ferdî bersiv ji dagirkeran re hate dayin ku hewl dida bikevin nava Tunela Şehîd Xemgîn a li Qada Berxwedanê ya Dergelê. Piştî destwerdana hêzên me dagirker neçar man xwe vekişînin.
Di navbera 13-23yê Tîrmehê de di saetên cuda yên rojê de drone, ÎHA, SÎHA li ser Herêmên Parastinê yên Medyayê geriyan û karê keşfê û êrîşê kirin.
Di navbera 13-23yê Tîrmehê de li herêmên Zap, Metîna û Xakurkê bi armanca dagirkeriyê rê hate çêkirin.
Di navbera 13-23yê Tîrmehê de li herêmên Şehîd Delîl a Rojavayê Zapê û Metînayê banga teslîmiyetê li hêzên me hate kirin.
Li herêma Metînayê bi teknîkê bersiv ji hewldana dorpêçkirin û êrîşên îmhayê yên li ser tunelên me hate dayîn.”
