Li Îzmîrê ji bo hemwelatiyên ji her temenî, pirzimanî û pirçandî Komeleya Çand û Hunerê ya Azad hate vekirin.
Li bajarê Îzmîrê Komeleya Çand û Hunerê ya Azad Komeleya Çand û Hunerê ya Azad bi konserekê ku li Dêra Aziz Vukolosê hate lidarxistin, vekirina xwe ragihand. Komele diyarî hunermendê kurd Aram Tigran ê ku di 8’ê Tebaxa 2009’an de jiyana xwe ji dest dabû, hate kirin. Endama komeleyê Dîlba Çelebî û Belkisa Suleymanoglu di vekirinê de axavîn.
Dîlba Çelebî diyar kir ku hêza herî mezin yekitiya gelan e û li Îzmîrê hemû gel dê bi hev re bimeşin û wiha got: “Em weke Komeleya Çand û Hunerê ya Azad dixwazin ku hemû gel bi çand, bawerî û hunerên xwe bi hev re bijîn. Em ê li vir bi hemû gelan re dest bidin destê hev û di warê çand û hunerê de xebatan bimeşînin. Em ê bibin bingeha parastina çanda xwe. Em ê bi projeyên navxweyî û navneteweyî piştgirî bidin xebatên çandî, ji bo ku her kesek ji her temenî û ji her kokê bikaribe çanda xwe bi azadî bijî, em ê derfetan ava bikin. Em ê bi hewldana hevpar a hemû çandên ku dibin yek, xebatên hunerî yên azad li seranserê welat belav bikin û hewl bidin ku ev bibin mînak.”
Piştre girse ber bi qada konsera ku dê li Azîz Vukolosê were lidarxistin meşiya. Di konsêrê de hunermend Şîlal Oner bi kemanê beşdaran mest kir. Piştre ji bo berhemên xwe peşkeş bikin, Koma Agirê Zerdeşt, Rojkar û Koma Awazê Welat derketin ser dikê û stran gotin.
