Jinan li atolyeya findan a şaredariya Peyasê bi hilberîna findan piştgirî û hêz dane hev.
Gerînendeyiya Polîtîkayên Jinan a Şaredariya Peyasê, di çarçoveya xebatên xwe yên ji bo xurtkirina jinan de, di atolyeya findan a duyemîn a li Bazara Keda Jinan de jin li hev kom kirin. Nêzî 25 jinên beşdarî atolyeyê bûn bi destên xwe find çêkirin. Jinan bi parvekirina serpêhatiyên xwe piştgirî û hêz dane hev.
Di atolyeyê de, agahiyên teorîk ên derbarê dîroka çêkirina mûman û teknîkên wê hatin parvekirin. Girîngiya bikaranîna materyalên xwezayî û domdar hate destnîşankirin. Beşdaran, bi rêberiya mamosteyan, findan bi rengên xweş û bi materyalên xwezayî xemilandin ku her yek bû xebateke hunerî ya bêhempa. Ev atolye ku ji hêla Yekîneya Bazara Keda Jinan a di bin banê Gerînendeyiya Polîtîkayên Jinan ve hate organîzekirin, armanc kir ku xebatên jinan ronî bike û qadên hilberîna hevpar zêde bike. Beşdaran fersenda pêşxistina jêhatîbûnên xwe yên destan, bidestxistina nêrîneke estetîk û xurtkirina xwebaweriyê peyda kirin. Mûmên ku wan bi destên xwe çêkirin, hem bû sedema serbilindiyê hem jî wekî diyarî ji bo hezkiriyên wan amade bûn.
Berpirsiyarên Bazara Keda Jinan diyar kirin: “Ev atolye ku jinan bi huner û afirîneriyê tîne ba hev, ji hêla beşdaran ve gelekî tê ecibandin. Ji bilî pêşxistina jêhatîbûnên hunerî, ev çalakî piştgiriyê didin pêşveçûna kesane û civakî. Bazar di pêşerojê de jî bi atolyeyên afirîner û cihê, dê îlhamê bide û berdewam bike.”
