Qeyimê Şaredariya Êlihê li Cadeya Diyarbakirê ya bajêr rakirina daran kir. Pêkhateyên bajêr li dijî rakirina daran derketin. Rakirina daran duh bi şev her çiqas hate sekinandin jî vê sibehê dîsa dest pê kir.
Şaredariya Êlihê ji aliyê qeyim ve hatiye desteserkirin. Li ser fermana qeyim li Cadeya Diyarbakirê ya herî qelebalix a di bin navê firehkirina rê de dest bi rakirina daran kir. Pêkhateyên bajêr li dijî rakirina daran rabûn û ev yek hate rawestandin. Hevşaredarên Êlihê Gulistan Sonuk û Yeşil Işik ên qeyim li şûna hatiye danîn, rêveberên DBP, DEM Partiyê, rêveberên rêxistinên sivîl û gelek welatî li dijî rakirina daran rabûn. Li ser nerazîbûna pêkhateyên bajêr rakirina hate rawestandin. Serê sibehê tîmên şaredariyê di çavdêriya polîsan de dîsa dest bi talankirina daran kirin.
Duh seranserî şevê hevşaredarên Êlihê, rêveberên partiyan û rêxistinên sivîl nobeta daran girtin û dem bi dem di navbera girseyê û polîsan de rageşî qewimî.
