11emîn Festîvala Şanoyê ya Navneteweyî ya Amedê di roja 2yemîn de berdewam kir. Festîval bi pêşandana promiyera lîstika “Moraşîn” li ÇandAmedê rastî eleqeyek mezin hat.
11emîn Festîvala Şanoyê ya Navneteweyî ya Amedê ku ji aliyê Şaredariya Bajarê Mezin a Amedê ve bi temaya “Ji bo aştiyê diyalog” tê lidarxistin, di roja xwe ya 2yemîn de li Navenda Kongreyê ya ÇandAmedê berdewam kir.
Bi sedan kes tevlî bernameyê bûn. Bernameya îro bi lîstika şanoyê ya bi navê “Moraşîn” hate pêşandan. ‘Moraşîn’ derhêneriya wê ji aliyê Ghotbedin Sadeghi ve hatiye kirin û çîroka wêrekiya jina Kurd a ku evîn, fedakarî, berxwedan û hêmanên mîtolojîk bi hev re dihûne.
Lîstika ku ji aliyê 50 şanogerên Şanoya Bajêr a Şaredariya Bajarê Mezin a Amedê ve hat lîstin, ji aliyê temaşevanan ve bi eleqeyeke mezin hate temaşekirin.
