Rêxistina Tenduristiyê ya Cîhanê (WHO) diyar kir ku li Xezayê heta niha herî kêm 370 kes ji birçîkirinamirin û “Îsraîl divê trajediya li Xezayê ku heta niha zêdetirî 370 kesan ji birçibûnê jiyana xwe ji dest dane, rawestîne.”
Dîrektorê Giştî yê Rêxistina Tenduristiyê ya Cîhanê (World Health Organization-WHO) Tedros Adhanom Ghebreyesus têkildarî siyaseta Îsraîlê ya birçîkirina welatiyên li Xezayê, daxuyanî da çapemeniyê. Tedros Adhanom diyar kir ku birçîkirina welatiyên li Xezayê sûcê şere û bang li Îsraîlê kir ku trajediya li Xezayê ku heta niha zêdetirî 370 kesan jiyana xwe ji dest dane, rawestîne.
Tedros Adhanom Ghebreyesus anî ziman ku ev trajediya ku Îsraîlê li Xezayê afirandiye dikare di demek nêzîk de were rawestandin û got: “Ji destpêka şer heta niha li Xezayê nêzîkî 370 kes ji ber birçîbûnê jiyana xwe ji dest dane. Ji vane zêdetirî 300 kes tenê di nava du mehên borî de mirine.”
