Îsraîlê diyar kir ku ew di çarçoveya plana Amerîkayê ya ji bo bidawîkirina şer de hebûna hêzên dewleta Tirk li Şerîda Xezayê qebûl nake.
Wezîrê Karên Derve yê Îsraîlê Gideon Sa’ar îro daxuyand ku di çarçoveya plana Amerîkayê ya ji bo bidawîkirina şer de, hebûna hêzên çekdar ên Tirkiyeyê li Şerîda Xezayê qebûl nake.
Sa’ar diyar kir ku di çarçoveya plana ku serokê Amerîkayê Donald Trump pêşkêş kiriye de, divê hêzên navneteweyî ji bo garantîkirin û alîkarîkirina rawestandina şer, li Şerîda Xezayê belav bibin.
Sa’ar di civîneke çapemeniyê ya li Budapestê de destnîşan kir ku hîna zelal nebûye ku ger dewletên Ereb û hwd amade ne hêzên tev li wan hêzên navneteweyî bikin an na û got, “Dewletên dixwazin hêzên xwe bişînin, divê li hember Îsraîlê edalet bin.”
Sa’ar da zanîn ku têkiliyên Tirkiye-Îsraîlê ku “berê germ bûn” bi şerê Xezayê re hilweşîn û destnîşan kir ku serokkomarê Tirkiyeyê Recep Tayyîp Erdogan li hember Îsraîlê metodekî dijminane dide meşandin, hemleya bejahî û asîmanî ya Îsraîlê li dijî Şerîdê bi tundî rexne kir.
