Doza çalakvanê kurd Muhammed Îlhan ê li Kîela Elmanyayê dijî ku di çileya 2025an de di êrîşekê de birîndar bûbû di 15ê îlonê de destpê dike.
Çalakvanê kurd Muhammed Îlhan di 25ê çileya 2025an de tevlî çalakiya ku bi boneya 10emîn salvegera rizgarkirina Kobanê dihat lidarxistin bû. Qada çalakiyê bû hedefa alîgirên DAIŞê. Yek ji kesên ku di êrîşa bi kêran de birîndar bûn, çalakvanê ciwan ê kurd Muhammed Îlhan Aslan bû. Îlhanê ku bi kêran birîndar bû hê jî dewsa birînên wî baş nebûye. Îlhan Aslan yek ji ciwanên dixwaze çanda xwe zimanê xwe bide jiyîn û xebatên çalak dimeşîne.
Di 15ê îlona 2025an de, yekemîn danişîna doza ku derbarê êrîşê de hatiye vekirin wê bê dîtin. Ev dîrok wê bibe destpêka proseya dadgehkirinê ya dirêj ku bi giştî 21 danişînan pêk tê.
Civaka kurd a ku li Kîelê dijî û hevalên wan, bang kirin ku Aslan di vê dozê de tenê neyê hiştin.
