Hevserokê Şaxa OHDê ya Amedê Muhîttîn Mûgûç û Berdevkê Meclisa Ekolojiyê ya Amedê Sabrî Kiliç biryara vekişîna Hêzên Tevgera Azadiyê ya Kurdistanê nirxandin û xwestin gavên şênber bêne avêtin.
Tevgera Azadiya Kurdistanê di çarçoveya biryarên 12emîn Kongreya PKKê de dest bi vekişîna hêzên xwe kir. Rêveberiya Tevgera Azadiya Kurdistanê li Qendîlê di 26ê Cotmehê de bi tevlêbûna 25 gerîlayan daxuyanî da çapemeniyê û bir vekişînê aşkere kir. Hevserokê OHDê Muhîttîn Mûguç û Berdevkê Meclisa Ekolojiyê ya Amedê Sabrî Kiliç derbarê pêvajoyê û paşvekişandinê ve axivîn.
Zagonên nû werin çêkirin
Hevserokê Şaxa Komaleya Huqûqnasên Ji Bo Azadîyê (OHD) ya Amedê Muhîttîn Mûgûç da zanîn ku Tevgera Azadiya Kurdistanê xwe fesih kir û rêxistina xwe ya çekdarî bi dawî kir piştre jî heza xwe vekişand. Avêtina van gavan ji bo gelê Kurd, Tirk û Rojhilata Navîn pir girîn bûn û berdewama axaftina xwe de wiha got: “Di serî de divê gavên şênber bên avêtin. Yek ji wan jî çêkirina qanûn û rêziknameyan e. Heya ku zagon neyên guhertin, hêza Tevgera Azadiya Kurdistanê nikarin bên Tirkiyeyê. Divê rê û rêbazên wê bên diyarkirin. Di hiquqa Tirkiyê de ji bo gav avêtin û çareseriyê qanûnek tuneye. Zagonên Tirkiyeyê qels û teng dimîne. Zagon neyên guhertin paşvekişandina Tevgera Azadiya Kurdistanê derkeve vala û civata demokratîk nayê ava kirin.”
Aştiya civakê aştiya xwezayê ye
Berdevkê Meclisa Ekolojiyê ya Amedê Sabrî Kiliç jî diyar kir ku şewitandina çekan û vekişîn, samîmîyeta PKKê nîşan dide û got: “Divê dewlet jî li gorî vê yekê gavê bavêje. Aştî hemû gelan û xweza, avê deştan were ava kirin. Ne tenê ji bo mafên mirovan ji bo mafen ajalan jî ji bo mafen xwezaye jî ev aştî were rastkirin. Vega aştî çê bibe dê li çiya şer pêk neyê. Dîsa hêzên sermayê jî divê li çiya petrol û madenê dernexe. Ev av û xwezayê qirêj dike. Em vê qebûl nakin. Divê ev mesele bi reya kanunî were çareser kirin.”
