Enqere – Serokatiya Meclisê, Hevseroka Giştî ya DEM Partî Tulay Hatîmogullari û Serokê Giştî yê CHPê Ozgur Ozel jî di nav de dosyaya rakirina parêzbendiya 11 parlamenterên DEM Partî, TÎP û CHPê şandin meclisê.
Serokiya TBMM, Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogullari û Serokê CHPê Ozgur Ozel jî di nav de dosyaya rakirina parêzbendiya 11 parlamenterên DEM Partî û CHPê şandin meclisê. Tezkereya Serokkomar ji aliyê Serokiya Meclîse ve hawaleyî endamên Komîsyona Makezagon û Edaletê hat kirin. Navê parlamenterên ku dosyaya rakirina parêzbendiya wan şandin meclisê wiha ne:
Hevseroka Giştî ya DEM Partiyê Tulay Hatimogullari, Serokê Giştî yê CHPê Ozgur Ozel, Parlamenterê DEM Partî yê Mêrdînê Kamuran Tanhan, Parlamentera DEM Parti ya Sêrtê Sabahat Erdogan Saritaş, Parlamenterê DEM Parti yê Colmergê Onur Duşunmez, Parlamentera DEM Partiyê ya Şirnexê Newroz Uysal Aslan, Parlamentera DEM Partiyê Zeynep Oduncu Kutevi, Parlamenterên CHP, Umit Dikbayır,Mustafa Adıguzel, Deniz Yavuzyılmaz û Parlamenterê TÎPê Ahmet Şik.
Tê payin ku komîsyon di rojên pêş de dosyayê binirxîne.
