Amed – Welatiyên li Amedê der barê çûyîna Komîsyonê ya Girava Îmraliyê de axivîn û gotin: “Çûyîna Komîsyonê ya Îmraliyê girîng e. Mifteya çareseriyê û azadiyê di destê Serok Abdullah Ocalan de ye. Serok were berdan dê gelek baş bibe.”
Komisyona Demokrasî, Xwişk-Biratî û Hevgirtina Mîllî di 21ê Mijdarê de li ser çuyîna grava Îmraliyê bi Rêberê Gelê Kurd Abdullah Ocalan re hevdîtinê pêk bîne civiya. Komîsyonê ji bo çûyîna Giravê biryara dengdayînê girt. Di encama dengdayînê de bi piraniya dengan ji bo çûyîna Girava Îmraliyê hatin bikaranîn. Bi piraniya dengan teqez bû ku dê komîsyon biçe bi Rêberê Gelê Kurd Abdullah Ocalan re hevdîtinê bike. Di civînê de 33 deng ji bo çûyîna Girava Îmraliyê hatin bikaranîn û komîsyon dê hefteya pêş biçe giravê û bi Rêberê Gelê Kurd Abdullah Ocalan re hevdîtinê bike.
Welatiyên li Amedê jî derheqê hevdîtina komisyonê ya bi Rêberê Gelê Kurd re nêrînen xwe anîn ziman û xwestin ev hevdîtin bibe sedema aştiyeke mayînde.
‘Mifteya çareseriyê, deriyê azadiyê destê Serok Abdullah Ocalan de ye’
Welatiyê bi navê Salîh Tolhildan anî ziman ku serokê Kurdan Abbdullah Ocalan e û ev tişt anî ziman: “Ev 40 sal in PKK şer dike. Abdullah Ocalan şensek da dewletê divê dewlet vî şensî bi awayekî erenî bikarbîne. Serokatî daxwazên xwe bi awayekî zelal anîn ziman. Mifteya çareseriyê, deriyê azadiyê di destê Serok Abdullah Ocalan de ye.”
‘Bi çûyîna Komîsyonê ya Îmraliyê keyfxweş in’
Necmettîn Orûç jî diyar kir ku çûyîna Komîsyonê ya Îmraliyê bi wateye, ew bi vê keyfxweş in û got: “Aştî çêbibe, dayîk negirîn tiştekî gelek baş e, em dixwazin tevahî girtî bên berdan û werin nava gelê xwe.”
‘Divê Abdullah Ocalan were Meclisê jî’
Welatî Îzettîn Alkiş jî diyar kir ku ew çûyina Komîsyonê ya Îmraliyê gelek girîng dibîne û wiha axivî: “Abdullah Ocalan dê vî şerî bisekinînê. Bila kes neyê kuştin, em dixwazin bi zimanê Kurdî perwerdehî pêk were. Divê Abdullah Ocalan were Meclisê jî. Ji xwe Devlet Bahçelî jî gotibû ku bila were Meclisê.”
‘Çûyîna Îmraliyê gelek girîng e’
Mehmet Ataş jî anî ziman ku Komîsyon here girava Îmraliyê dê gelek baş bibe û got: “Serok were berdan gelek baş e. Bila şer bê rawestandin û êdî xwîn nerijê. Ev yek dê gelek baş be. Çûyîna Îmraliyê gelek girîng e.”
‘Dewlet hê jî jidil tevnagerê’
Yaşar demîr jî destnîşan kir ku Abdullah Ocalan dê pêvajoyê heta dawiyê bibe û wiha axivî: “Selahattîn Demîrtaş jî bila were berdan lê em dibînin ku dewlet hê jî jidil tevnagere.”
‘Em dixwazin di nava aramiyê de bijîn’
Welatiyê bi nave Mehmet Gûngen jî ev tişt anîn ziman: “Komîsyon here Îmraliyê û li wir bi hev werin gelek baş e. Em tenê aştiyê dixwazin. Em dixwazin di nava aramiyê de bijîn.”
