Wan – Li bajarê Wanê wesayîta ku 3 kes tê de bûn, firiya Bendava Zernekê û 2 kesên têde mirin, kesek jî winda ye.
Li ser rêya Wan û Colemêrgê qezaya tirafîkê pêk hat. Wesayîtek firiya Bendava Zernekê. Hat zanîn ku wesayîta ket bendavê otomobîl e û 3 kes tê de ne. Hat hînbûn ku di qezayê de 2 kes mirine û kesek jî di avê de winda bûye. Li ser agahîdayîna welatiyan tîmên lêgerîn û rizgarkirinê û tîmên tendirûstiyê çûne cihê qezayê. Li gorî agahiyan otomobîl hatiye dîtin û cenazeye 2 kesan jê hatine derxistin. Lêgerîna welatiyê winda jî didome.
Hat zanîn ku derbarê qezayê de lêpirsîn hatiye destpêkirin.
