Li gorî çeteleya tundiyê ya Jinnewsê ya meha Mijdarê 23 jin û 3 zarok hatin kuştin û 8 jin û 3 zarok jî bi awayekî biguman jiyana xwe ji dest dan.
Polîtîkayên necezakirinê, gotinên desthilatê û pergala serdest a mêr her roja ku derbas dibe dibe sedema kuştina jin û zarokan. Her wiha kuştin, destdirêjî û tundî bi rêbaza darazê tên veşartin. Li gorî çeteleya tundiyê ya Jinnewsê di meha Mijdarê de 23 jin û 3 zarok hatin kuştin. Jin û zarok bêtir ji hêla nasên xwe ve tên qetilkirin. Her wiha 8 jin û 3 zarok jî bi awayekî biguman jiyana xwe ji dest dan.
Li gorî daneyên Jinnewsê li Stenbolê 4, li Bûrsayê 2, li Erziromê 1, li Aksarayê 1, li Kirklareliyê 1, li Edîrneyê 1, Li Îzmîrê 2, li Amedê 1, li Qersê 1, li Kayseriyê 3, li Antalyayê 1, li Dîlokê 1, li Enqereyê 1, li Bîlecikê 1, li Mêrsînê 1 û li Xarpetê ji jinek hat kuştin.
