Rayedara payebilind a parastinê ya Amerîkayê Stephanie Bagley serdana deriyên sînor ên Pêşxabûr û El-Walîd ku dikevin sen sînorê Başûr û Rojavayê Kurdistanê kir.
Balyozxaneya Amerîkayê ya Hewlêrê li ser hesaba xwe ya Xê diyar kir ku rayedara payebilind a parastinê Stephanie Bagley serdana deriyên sînor ên li Herêma Rêveberiya Kurdistanê kiriye. Di peyamê de hate destnîşankirin ku Bagley bi rayedarên derî û rayedarên payebilind ên Pêşmergeyan re hatine gel hev. Di parvekirine de hate ragihandin ku serdan bi armanca pêşvebirina koordînasyona ewlehiyê ya herêmî deriyên sînor ên Pêşxabûr û El Walîd hatiye kirin.
Di demên dawî de serdanên heyetên Amerîkî li Iraqê zêde dibin û bi taybetî li ser mijara hêzên girêdayî Îranê nîqaşên berfireh tên meşandin. Serdana Bagley a li ser sînor jî bal dikişîne ser nîqaş û rageşiya demên dawî di navbera Iraq û Amerîkayê de tên meşandin.
