Ji aliyê cerdevanên Bajarokê Sêgirkê ve li Çiyayê Cûdî komkujiya pezkoviyan pêk tê. Di wêneyên ku çavkaniyan şandine de xuya dike ku gelek pezkovî hatine kuştin.
Li gundên Cilbiya û Bilga yên li qontara Çiyayê Cûdiyê ne, bi salan e ji aliyê cerdevanan û şîrketên alîgirên desthilatê ve talana xwezayê berdewam dike. Cerdevanên ji Bajaroka Sêgirkê ya navçeya Qilebana Şirnexê niha jî dest bi kuştina û komkujiya pezkoviyên Çiyayê Cûdî kirin e.
Li gorî agahiyên ku nûçegihanê me bi dest xistin; zêdetirî 10 komên cerdevanan ketine herêmên Xirbê, Wargê Hewêrya û Zêrîker yên gundên Cilbiya û Bilga bi çekên giran komkujiyê li ser pezkoviyan pêk tînin. Çavkaniyên ku agahî dan; diyar kirin ku bi dehan pezkovî ji aliyê cerdevanan ve bi çekên ku dewletê dane wan hatine kuştin.
Her wiha çavkaniyan da zanîn ku cerdevan serê sibehê ve ketine van herêman û hê jî tevgera wan berdewam dike.
