Li Sûriyeyê ku Hikûmeta Demkî daxwazên gelan li ber çavan nagire hindî diçe kontrolê winda dike. Êriş û pevçûn li aliyekî qeyranê kûr dike û li aliyê din pêşiyê li mayîndebûna dewleta Tirk û Îsraîlê vedike.
Hikûmeta Demkî ya Sûriyeyê ku ev saleke li ser kar e lê ji ber ku nikare bibe îrade, dibe sedema kûrbûna qeyrana heyî. Her roj şer û pevçûnên li Sûriyê zêde dibin, bandora Tirkiye û Îsraîlê ya leşkerî û siyasî jî zêde dibe. Îsraîl ku beşek axa Sûriyê dagir kiriye, hindî diçe zêdetir kontrola leşkerî ya li ser başûrê rojavayê Sûriyê xurt dike. Îro serê sibê hêzên artêşa Îsrailê car din li parêzgeha Kuneytrayê derketin dewriyeyê. Li ser rêya Jebata el-Haşapê, li nêzikî gundê El-Beyda noqteyeke lêgerînê ava kirin û lêgerîna nasnameyan kir. Li gorî agahiyên çavkaniyên herêmî leşkerên Îsraîlê di wesayîtan de lêgerîn kirine û li nasnameyên welatiyan nêrîne. Her wiha hate zanîn ku di heman demê de leşkerên Îsraîlê derbarê artêşa Îsraîlê de jî pirs ji welatiyan kirine.
DAÎŞê êrişa li Îdlibê girte ser xwe
Di şeva 14ê Kanûnê de li Îdlibê ku wargeha HTŞê ye li hemberî wesayîteke aydî hêzên Hikûmeta Demkî rastî êrişê hatibû û herî kêm 6 endamên artêşa Hikûmeta Demkî ya Suriyeyê miribûn û beşek jî birîndar bibûn. DAÎŞê bi daxuyaniyek li ser Xê weşand de berpirsyariya vê êrîşê girte ser xwe. Di daxuyaniyê de polîtîkaya HTŞ û Hikûmeta Demkî ya li hemberî hebûna Îsraîl û Amerîkayê ya li Sûriyeyê haterexnekirin.
Li hemberî Tumena 80emîn êriş pêk hat
Îro di seatên nîvro de jî wekî zêdebûna kaosa li Sûriyeyê li derdora bajaroka Dara Azza ya bi ser Helebê ve êrişeke din pêk hat. Kesên bi motorsîklet êrişî endamên Tumena 80mîn ku piraniya wan ji endamên HTŞê pêk tê, hat. Di encama êrîşê de birîndar çê bûn. Derbarê beprisyarên vê êrişê de hêj agahiyên zelal nînin lê komên di nava artêşê de bi armancên hizbî, xanîmet û rişwetê bênavber şerê hev dikin.
Hêza pêbawer HSD ye
Piştî duh li Palmirayê li hemberî leşkerên Amerîka û Hikûmeta Demkî, nîqaşên ku Golanî nikare bibe îrde û kontrola li ser welat ava bike dest pêkirin. Bi vê boneyê kovara Forbes û rojnameya NewYork Timesê nûçeyên li ser mijarê weşandin û balkişandin ser hebûna HSDê. Di weşanan de hate diyarkirin ku divê mijara entegrekirina HSDê ya di nav hêzên tundrew de neyê ecelekirin. Rojnameya ku li Beyrûdê weşanê dike Al-Ahbar jî mijar girte rojeva xwe û destnîşan kir ku hêza herî pêbawer li Sûriyeyê HSD ye.
Bêîradebûna Golanî kaosê zêde dike
Li gorî pisporên ewlehiyê ji ber ku Hikûmeta Demkî û Golanî di bin bandora Tirkiyeyê de ne nikare bibe îrade û hêza çareserkirina pirsgirêkan. Pispor destnîşan dikin ku ev rew jî bi xwe re zemîna mûdahelekirina hêzên derveyî tîne û wekî mînak bandora Enqerê nîşan didin. Pispor dibêjin ku dagirkerî û israra Tirkiyeyê ya Sûriyek netew dewlet çareseriyê dixitimîne û ev yek jî derfet dide Îsraîlê ku beşek Sûriyeyê di bin kontrola xwe de bigire.
