Cîgira serokê Venezuelayê diyar kir agahiya hikûmetê ji cihê Maduro û hevjina wî nîne û got hikûmet “delîlên ku serok Maduro û hevjîna wî saxin dixwaze”.
Cîgira Seroka Venezuelayê Delcy Rodriguez diyar kir li gel hikûmeta Venezuelayê tu agahî li ser cihê serok Nicolas Maduro û hevjîna wî tune ne.
Delcy Rodriguez ku daxuyaniyek da televîzyona dewletê, got hikûmet “delîlên ku serok Maduro û hevjîna wî saxin dixwaze”.
Cîgira serokê Venezuelayê êrîşên DYAyê bi “xeternak û binpêkirinek rasterast a serweriya neteweyî ya Venezuelayê” binav kir.
Serokê DYAyê ragihandibû ku DYAyê li dijî Venezuelayê êrîşeke berfireh pêk aniye û Nicolas Maduro û hevjîna wî ji aliyê hêzên DYAyê ve hatine girtin û ew derxistine derveyî welat. Ev êriş di nava Kongreya Amerîkayê de bû cihê nîqaşan.
Senatorê Demokrat Ruben Gallego êrîşên li ser Venezuelayê wek “neqanûnî” binav kirin û got: “Tiştê ku qewimî duyemîn şerê neheq di jiyana min de piştî dagirkirina Iraqê ye.”
