Rayedarek Îranê qebûl kir ku di xwepêşandanên li Komara Îslamî ya Îranê de 2 hezar kes mirine. Neteweyên Yekbûyî jî ji ber polîtîka tundiyê ya Îranê dilgiraniya xwe anî ziman.
Komiserê Bilind ê Mafên Mirovan ê Neteweyên Yekbûyî Volker Turk got ku ev rejîma tundûtûjiyê tirsnak nikare berdewam bike û divê dengê gelê Îranê û daxwazên wan ên ji bo dadperwerî, wekhevî û edaletê werin bihîstin. Rayedarek Îranî roja Sêşemê ji Reuters re got ku di xwepêşandanên li Îranê de nêzîkî 2 hezar kes hatine kuştin û berpirsê mirina sivîl û karmendên ewlehiyê xwepêşander in.
Her wiha berpirsê mafên mirovan yê Neteweyên Yekbûyî îro got ku ew ji tundûtûjiya zêde ya hêzên leşkerî yên Îranê ya li dijî xwepêşanderan “bitirs” in.
Hejmara kuştiyan bi sedan e
Komîserê Bilind yê Mafên Mirovan yê NYê Volker Turk di daxuyaniyekê de ku ji hêla berdevkê ofîsa mafên mirovan a NY Jeremy Laurence ve hate xwendin, wiha hate gotin: “Ev çerxa tundûtûjiya tirsnak nikare berdewam bike. Divê dengê gelê li Îranê û daxwazên wan ên ji bo dadperwerî, wekhevî û edaletê werin bihîstin.” Dema ku rojnamegeran ji Laurence xwestin li ser asta kuştinan şîrove bike jî Laurence, çavkaniyên NYê yên li Îranê îşaret kir û got: “Hejmara ku em dibihîzin bi sedan e.”
Îran Iternational: Zêdetirî 12 hezar kes hatin kuştin
Iran International texmîn kir ku di xwepêşandanên li Îranê de, bi piranî di şevên Pêncşem û Înê de, zêdetirî 12 hezar kes hatine kuştin û bûyeran wekî “mezintirîn kuştina di dîroka hemdem a Îranê de” bi nav kir.
Di heman demê de, daneyên rêxistênên mafên mirovan piştrast dikin ku hejmara miriyan ji 646 kesî zêdetir e.
