Daraxê binpaykerdişanê hepisxaneyê Hûsîyan reyna bi hedîseyêko bîn vejîya orte. Girewteya bi nameyê Gadir el-Berkanî hewşê hepisxaneyê Merkez ê Sanayî de bi hewayêko guman cuya xo vîndî kerd.
Paytexta Yemen Sana de hepisxaneyî ke binê kontrolê Hûsîyan de yê, uca de binpakerdişê vera girewteyanê cinî vêşî benê. Nê binpaykerdişî heta îşkence, îşkenceyo psîkolojîk û nêzdîbîyayîşanê xirab vêşî benê. Rêxistinê Heqanê Merdiman dîyar kerd ke na hedîse endîşeyanê înan vêşî kenê.
Yemen de Koalîsyonê ‘Cinîyê Seba Aştî’ û Komela ‘Pawitişê ê ke gandar mendê û hepisxaneyanê Hûsîyan de teda dîya’ vizêr eşkerayîyêk weşaneye. Eşkerayî de ame vatene ke girewteya bi nameyê Gadir el-Berkanî hewşê hepisxaneyê Merkez ê Sana ke binê kontrolê Hûsîyan de yo, bi hewayêko dardekerda ameya vînayene.
Eşkerayî de ame dîyarkerdene ke Gadîr el-Berkanî çimanê wezîfedaranê ewleyîya hepisxaneyî de waşto xo bikişa, riyê mudaxalenêkerdişê wezîfedaran ra cuya xo vîndî kerda.
Eşkerayî de ame vatene ke no suco tersonek, parçeyêkê zîncîra binpaykerdişî yê vera girewteyan o û no nêzdîbîyayîş ame şermezarkerdene. Sewbîna amae vatene ke eynê wextî de hepisxaneyo Merkez de tena mîyanê aşmêk de mabênê girewteyanê ciNî de di hedîseyê mergê bi gumanî qewimîyayê.
