Wezîrê Karên Derve yê Iraqê Fuad Hisên bi serdanek fermî gihişt paytexta Îran Tehranê. Hat gotin ku Fuad Hisên li gel rayedarên Îranê bicive û li ser aloziya li Îranê raweste.
Derbarê Mijarê de medya Bexdayê agahî da. Di agahiya medya Bexdayê de hat gotin ku Wezîrê Karên Derve yê Iraqê Fuad Hisên ji bo dan û standinên navbera her du welatan de û geşedanên li Tehranê pêk tên bigrin dest û şîrove bikin.
Hat gotin ku Fuad Hisên li gel Serokkomarê Îranê Mesûd Pizîşkiyan, Serokê Parlamentoya Îranê Mihemed Baqir Qalibaf, Wezîrê Karên Derve yê Îranê Ebas Iraqçî, Sekreterê Giştî yê Encûmena Ewlehiya Netewî ya Îranê Elî Larîcanî û hin rayedarên din ên Îranê re hevdîtinan bike.
Hatiye diyarkirin ku mijara sereke ya hevdîtinan, peywendiyên du alî yên navbera her du welatan û pêşketinên li herêmê rû didin be.
