Amed – Rojnemger Rolyana Ahmed têkilarî êrişên çeteyên HTŞê û Tirkiyeyê banga hestiyariyê kir û got: “Ji bo Rojava dakevin qadan û pişgirtiyê bidin HSDê.”
Di 6ê Çilêyê de çeteyên girêdayî hikumeta demkî ya Şamê û Tirkiyeyê erişî ser taxên Şexmeqsud û Eşrefiyeyê kirin. Êriş 6 roj dom kirin û 300 endamên Hêzên Hindirîn yên Taxa Şêxmeqsûd û Eşrefiyeyê li dijî 45 hezar çeteyan li ber xwe dan û welatiyên taxê parastin. Piştî van êrişan, çeteyan berê xwe dan heremên Der Hafir û Meskeneyê. Di navbera komên çete û şervanên HSDê de şerekî dijwar qewimî. Têkildarî pevçûnan duh bi şev, têkildarî geşedanan peymanek hate parvekirin. Rojnameger Rolyana Ahmed di derheqê êrişên û armanca çeteyan de ji Ajansa Welat (AW) re axivî.
‘Pergela hatiye runiştandin wek pergela baseye’
Rolyana Ahmedê diyar kir ku keç û xortên Kurd û Hêzên Sûriyeya Demokratîk dê li dijî van êrişan heta dawiyê li ber xwe bidin. Rolyana Ahmedê anî ziman ku pergela ji aliyê hikumeta demkî ya Şamê ve hatiye runiştandin ji pergela Baasê xeraptir e û wiha axivî: “Çawa rejîma Baasê li hemberî nasnameya gelê Kurd, zimanê gelê Kurd astengî derxistin, nasname û zimanê gelê Kurd qedexe dikir; hiqûmeta demkî jî wisa dike. Hikumeta helwesta xwe baş nîşan dide û dibêje ‘Tevahiya pêkhateyên Suriyeyê û bi taybet Kurd, xwedî maf in.’ Heke mafên Kurdan qebûl bikirana, îro erişî gelê Kurd nedikirin.”
‘Parastina rûmeta gelên xwe dikin’
Rolyana Ahmed bal kişand ser rewşa jinên Kurd ên ji aliyê çeteyan ve hatine kuştin, revandin û wiha dirêjî da axaftina xwe: “Plana wan ew e ku, gelê Kurd tenê bihêlin. Li dijî van planan, keç û xortên Rojava û HSD, dê bibe bersiv û van planan vala derxîne. HSD parastina rûmeta gelê xwe dike. Di her kêliyê de li eniyên şer, parastina axa xwe dike.”
‘Ji bo piştgiriya HSDê dakevin qadan’
Rolyana Ahmed da zanîn ku li dijî Kurdan êrişên dijwar tên kirin û axaftina xwe wiha bi dawî kir: “Li dijî van erişan, şervenên HSDê û YPJê bi berxwedaneke mezin li ber xwe didin. Lewma pewîst e ne tenê li rojavayê Kurdistanê, divê li tewahiyê cîhanê, bi taybet li çar aliyên Kurdistanê, gelê me piştgirtiya xwe ji bo gelê Rojava diyar bike. Di van deman de yekîtiya gelê Kurd pir girîng e. Pêwîst e gelê Kurd bi yek dilî û yek dengî li qadan be.”
