Bi hezaran endamên DAIŞê ji girtîgeha Şedadê reviyan. Çapemeniya cîhanê, berdana bi hezaran DAIŞiyan kir rojev û bal kişand ser xeteriyên ku bi xwe re ava bike.
Komên çeteyan ên girêdayî HTŞ, MSO û komên girêdayî Tirkiyeyê piştî di 6ê Çile de li dijî taxên Kurdan ên Şêxmeqsûd û Eşrefiyê dest bi êrîşan kirin, berê xwe dan ser sînorê Firatê. Ji ber hêzên navdewletî li dijî van êrîşan bêdeng ma û piştgirî da HTŞê, HTŞê êrîşên xwe zêde kirin û li Girtîgeha Şedadê bi hezaran çeteyên DAIŞê serbest berdan. Piştî duh bi hezaran endamên DAIŞê ji girtîgeha Şedadê û Kampa Holê derketin, rojnameyên cîhanê bal kişand ser talûkeya van çeteyan.
The Guardian bi sernavê “Li Sûriyeyê di pevçûnên navbera artêşê û hêzên Kurdan de gelek girtiyên DAIŞî hatin berdan” derket. Di nûçeyê de hate gotin ku piştî êrişên kesên girêdayî hikûmetê, HSDê kontrola bînayê ji dest da. The Nationalê jî berdana bi dehan DAIŞiyan weke “xetere” nirxand û got: “Mukteda Es Sadr, ji bo DAIŞ careke din dernekeve holê, dixwaze ewlehiya sînorê Sûriyeyê were xurtkirin. Di nûçeyê de wiha hate gotin: “Artêşa Sûriyeyê herêmên di demên berê de di destê HSDê de kontrol kir. Vê jî li Iraqê rê li ber fikara ku DAIŞ careke din bihêz bibe û derbasî Iraqê bibe bi xwe re anî. Banga xurtkirina ewlehiya sînor hate kirin.”
DW: Mîlîtanên DAIŞê ji girtîgehan derketin
Deutsche Welle (DW) jî ji bo mijarê sernavê “Di dema artêşa Sûriyeyê û HSD şer dikir de milîtanên DAIŞê ji girtîgehê reviyan” weşand. Di nûçeyê de zilmên DAIŞ’iyan ên li Sûriye û Iraqê kirin hatin bibîrxistin.
The New York Timesê jî sernavê “Li Sûriyeyê li dora girtîgehên milîtanên DAIŞê tê de dihatin ragirtin pevçûn derketin” tercîh kir. Di nûçeyê de wiha hate gotin: “Ev bûyerên tundiyê, bi xwe re fikarên bê ka hikûmeta nû dê bikare herêma demekê dilê Dewleta Îslamê bû biparêze yan na anî.” Di heman demê de hate gotin ku îdiayên agirbestê li herêmê nebûye sedema kêmbûna pevçûnan.
