Yek ji herêma ku piştgiriyeke xurt dide berxwedana Rojava bajarê Silêmaniyê ye. Silêmanî ev bi rojane li ser piyan e. Bi çalakiyên girseyî ku bi deh hezaran kes beşdar dibe bajar dibe qada çalakiyê. Her wiha şêniyên Silêmanî bi kampanyayên alîkariyê jî piştevaniya Rojava dike. Ji roja ewil ve ji Silêmaniyê bi sedan welatî berê xwe dane Rojava û di refên berxwedanê de cih girtin.
Piştî êrişên li ser Helebê û vê dawiyê li tevahiya Rojava belav bû, çar aliyên Kurdistanê û li cîhanê Kurdan rakir ser piya. Yek ji herêma ku ji bo piştgiriya Rojava rabû ser piyan Silêmanî bû. Gelê Silêmanî bi rojane li ser piyan e û piştgiriya xwe ji bo Rojava radigihîne. Duh bi deh hezaran şêniyên bajêr rabûn ser piyan û bi meşa xwe bajar hejandin. Bi qasî zêdebûna girseyê hêrsa gel jî deng veda û zêde bû. Bertek li dijî çeteyan û parazvanên wan Tirkiye û hêzên navnetewî bûn. Di meşa mezin de bê navber dirûşm hatin berzkirin, dovîz û pankartên ku piştgiriya Rojava dikin radikin û ji ber dirûşmên li Silêmaniyê navê Rojava olan dide.
Gelê Silêmanî dîsa li ser piya bû
Îro jî bi deh hezaran kes xelkê Silêmanî daketin kolanan û ji bo piştgiriya Berxwedana Rojava di nava çalakiyê de bûn. Piştî pêşkêşkirina Orkestraya Hunerî û Parastina Welat li ser Rêya Salim ya Silêmaniyê dest bi meşeke girseyî ya bi tevlibûna hemû beşên civakê kir.
Bi hezaran ku ji hunermend, nivîskar, nûnerên aliyên siyasî, mamosteyên ol, jin, ciwan û hemû beşên civakê tevlî meşê bûne.
Di meşê de ala Herêma Kurdistanê, YPG û QSD hatin bilindkirin. Bê navber dirûşmên ‘Bijî Berxwedana Rojava’, ‘Yeke Yeke Yeke Kurdistan Yeke’, ‘Jin, Jiyan, Azadî’ û ‘Rojava Ne Bi Tenê Ye, Deriyê Azadiyê Ye’ hatin qîrkirin. Di meşê de gelek pankart hatin hildan ku piranî ‘kezî’ li ser hebûn. Bi vê yekê peyamek dan ku çeteyên destdirêjî porên şervanên YPJ’ê kirîn hate nîşandan. Berî destpêkirina meşê ji aliyê Orkestraya Ciwanên Newaw ve konserteke hunerî û dirûşmên parastinê hate pêşkêşkirin.
Alîkariya mirovî û tevlibûna fizîkî
Ne tenê meş û çalakiyên girseyî, şêniyên Silêmanî her wiha bi piştgiriyên xwe yên mirovî jî li cem Rojava ne. Kampanyayên ji bo alikariyê bê navber didomin. Bi hezaran mirov ji bo alîkariya maddî bidin bûne seferber.
Her wiha di destpêka êrîşan de bi sedan ciwan û kesên welatiyên Silêmanî bi awayekî girseyî çûne Rojava û piştgiriya xwe ya fizîkî jî dane nişandan.
Bajarê Silêmanî careke din da nişandan ku ew ala berxwedanê ku li Rojava hate hildan dê bilind bike û têkoşîna li dijî zilmê qebûl neke.
