Rêveberiya Afrîkaya Başûr ji ber têkiliyên wê yên nayê qebûlkirin dîplomatê sereke yê Îsraîlê dersînor kir. Îsrail jî li ser vê bêdeng nema û dîplomatê Afrîkaya Başûr wek kesayetek nayê qebûlkirin ragihand.
Afrîkaya Başûr, Maslahatguzarê Îsrailê yê Pretoriayê (paytexta Afrîkaya Başûr) Ariel Seidman mirovê naye qebûlkirin (persona non grata) îlan kir û ji bo ku ji Afrîkaya Başûr derkeve 72 saat mohlet ji bo wî hat dayîn. Wezareta Afrîkaya Başûr diyar kir ku Maslahatguzarê Îsraîlê Seidman derbarê Serokwezîrê Afrîkaya Başûr Cyril Ramaphosa de li ser medya dijîtal êrişên bêrêz daye destpêkirin.
Rêveberiya Pretoriayê di daxuyaniya li ser mijarê de dibêje ku ew van kiryar bikaranîna xirab a erka dîplomatîk e û binpêkirina Peymana Vîyanayê ye. Rêveberiya Afrîkaya Başûr bang li rêveberiya Îsraîlê kir ku bewirdarên wan ê dîplomatîk di kar û barê xwe de li gor peyamanên navneteweyî yên dîplomatîk tevbigerin
Îsraîlê jî demildest bersiv da Afrîkaya Başûr
Wezareta Karên Derve ya Îsraîlê bi lezgîn biryara dersînorkirina Sefîrê Sereke yê Afrîkaya Başûr Shaun Edward Byneveldt mirovê naye qebûlkirin (persona non grata) diyar kir û ji bo ji Îsraîlê derkeve 72 saet mohlet hat dayîn. Wezîrê Karên Derve yê Îsrailê li ser medya dijîtal daxuyanî da û got: “Ji bo geşedanê, em hesabê avêtina gavên din jî dikin.”
Berdevkê Afrîkaya Başûr Chrispin Phiri li ser hesabê xwe yê Xê helwesta Îsrailê bu tundî rexne kir û got: “Afrîkaya Başûr, Flistînê nas dike û Îsraîl bi vê hewldana xwe rê li ber vê digire.”
Bû sedemê alozî û tansiyona heyî
Ji ber şerê li Şerîda Xezeyê tansiyona navbear her du welatan zêde bû. Afrîkaya Başûr di 2023yan de ji bo komkujiya li Xezeyê derbarê Îsrailê de li Dîwana Edaletê ya Navneteweyî de doz da vekirin. Rêveberiya Pretoriayê di gilînameya xwe gotibû ku Îsraîl bê serûber li Xezeyê komkujiyan kiriye û bi zorê gel ji cih û warê wan daye koçberkirin.
Komîseriya Bilind a Mafên Mirovan ya Neteweyên Yekbûyî (NY) jî di serê meha Çile de daxuyanî dabû û gotibû ku Îsrail wek kiryarên rejîma faşîst ên apartheid pêk tîne.
