Kesayetê reformparêz ê siyasetmedar û midûrê rojnameya Ham-Mihan ya qedexekirî Gholamhossein Karbasçî got ku rejîma Îranê neyarê nifşê nû ye.
Gholamhossein Karbasçî di 1987-1989an de wek waliyê Îsfahanê û di 1989-1998an de jî wek şaredarê Tehranê kar kir. Karbasçî li ser rewşa li Îranê ji Îranwire re axivî û di axaftina xwe de got ku nifşê nû rejîma Îranê û çanda rejîmê nas nake. Her wiha rejîma Îranê jî bi êrişên qirker ên li dijî xwepêşanderan neyartiya li dijî nifşê nû kûrtir dike.
Karbasçî desnîşan kir ku di serdema xwebatên xwe yên siyasî, îdarî û çandî de heta bi îro min krîzeke wisa ya siyasî, aborî û diplomatîk ewqas xirab nedîtiye û got ku ev rewş her diçe fikaran û kêşeyan zêdetir dike.
Waliyê berê yê İsfahanê û Şaredarê berê yê Tahranê Karbasçî eşkere kir ku kuştina xwepêşanderan felaket e û got: “Ev bêserûberiyê di nava pergalê de mezin dike û navbera xwepêşander û rêveberiya Tehranê vedike.”
Karbasçî ji bo bersiva pirsa “Îran dibêje çekdarên gumanbar ji derve tên û van xwepêşandanan dikin” re got ku nexwê hêzên leşkerî û ewlehiyên rejîma Îranê li ku ne, çima rê li ber vê tiştê nagirin. Karbasçî bi vê pirsê jî bersiva xwe dişidîne û got: “Hek rejîm dibêje bila bi belgeyan îspat bike.”
Karbasçî li ser pirsa; “Hûn rejîmê diparêzin an na” jî rawestiya û got: “Min qet rejîmê neparastiye. Min ne pergalê û ne jî hikûmetê parastiye.” Her wiha Karabasçî diyar kir ku wî di destpêkê de xeletiyên wan îfşa kiriye û xirabiya kuştin û tundiyê aniye ziman. Karbesçî di dawiyê de jî anî ziman li gel ku ew wek çalekvanan nafikiriye jî êrişên bi ser xwepêşanderan de pêk tên şermezar dike û baweriya wî bi lêgerînê heye.
