DFGê rapora xwe ya meha Çileyê ya derbarê binpêkirina mafên rojanmegeran parve kîr. DFGê di rapora xwe de diyar kir ku di meha Çileyê de 14 rojnameger hatine girtin û yek ji wan hatiye girtin.
Li gorî rapora meha Çileyê ya Komeleya Rojnamevanên Dicle Firatê ( DFG), 14 rojnameger hatine binçavkirin, rojnamegerek jî hatiye girtin. DFG’ê, da zanîn ku 22 rojnamevanan dema ku nûçeyan şopandine hatine astengkirin. Di heman pêvajoyê de 458 hesabên dîjîtal û medyaya civakî hatin astengkirin.
DFGê di raporê de diyar kir ku li dijî rojnamegeran lêpirsîn hatiye destpêkirin, li dijî rojnamegerekî doz hatiye vekirin û hat gotin ku bi giştî 3 sal, 9 meh û 7 rojan cezayê girtîgehê li 3 rojnamegerekê hatiye birîn. Hat gotin ku niha darzandina zêdetirî 60 rojnamegeran dewam dike û 26 rojnamegeran hîn jî di girtîgehê de ne.
Tundî û astengiya ser rojnamegeriyê
DFG’ê destnîşan kir ku li gelek bajaran rojnamevanên ku xwestin çalakiyên li dijî êrîşên li ser Rojava bişopînin rastî tundî û astengiyên polîsan hatine. Hat ragihandin ku nûçegihanê Ajansa Welat Nedîm Oruç li Cîzîrê bi derbkirinê hatiye binçavkirin û girtin û li Nisêbîn, Pirsûs û Wanê êrîşî rojnamegeran hatiye kirin.
Sansura li ser medya dîjîtal
Di raporê de, hat gotin ku 39 hesabên medyaya civakî ji ber nûçeyên li ser Rojava hatine astengkirin û malper û hesabên Ajansa Mezopotamyayê û Jinnewsê rastî sansurê hatine. DFG’ê banga bidawîanîna zextên li ser rojnamegeran kir.
DFGê da zanîn ku halê hazir ji 3yê Sibatê û pê ve 26 rojnameger di girtîgehan de girtî ne.
