Li Îranê bîlançûya welatiyên ji hêla rejîmê ve hatine qetilkirin û girtin hindî diçe zêde dibe. Li gorî daneyên dawî hejmara kesên hatine qetilkirin gihişt 6 hezar 445an, hejmara girtiyan jî derket 50 hezar 842yan. Ji kesên hatine înfazkirin 164ê wan zarok in.
Ajansa Mafên Mirovan ya HRANAyê rapora xwe ya bîlançoya roja 39ê de diyar dike ku bi giştî 6 hezar 883 kes hatine kuştin. Li gor vê hejmarê 6 hezar 445 kes xwepêşandêr, 164 kesên temenê wan di bin 18ê de hatin kuştin. Her wiha hat diyarkirin ku 214 kes karmendê rejîmê an jî nokerên bi rejîmê ve giredayî hatine kuştin. Bilî vana 60 kesên ku ne xwepêşandêr jî hatin kuştin. Bi giştî 11 hezar 280 kes jî di bin nîrê lêpirsînê de tên girtin.
11 hezarî zêde birîndar hene
Li gorî daneyan di dema serhildanan de 11 hezar 021 xwepêşandêr û sivil jî birîndar bûne. Çavkaniyên herêmî destnîşan dikin ku ji birîndaran rewşa gelekan giran e û bi neçarî diçin nexweşxaneyan tedawiyê dibînin û tên girtin. Her wiha hate daxuyandin ku gelek kesên birînên wan micidin lê ji ber girtinê naçin nexweşxaneyan û bi derfetên xwe tedawî dibînin jî hene.
Hejmara girtiyan zêde dibe
Li gorî daneyên dawiyê hejmara kesên hatine gitirtin jî 50 hezar 842 kes in. Ji vana 109 jê xwedevan in. Her wiha çavkaniyên cuda yên ji Îranê destnîşan dikin ku hêzên rejîmê giranî dane binçavkirin û girtinan. Çavkaniyan daxuyand ku rejîm bi rêbazên cuda hewil dide ku welatî bi zorê îfade li ser hev bidin û ji bo vê yekê ligel rêbazên cuda îşkenceyê jî bikar tîne.
Ji bo îfade dayînê gazî zêdeyî 11 hezar kesan hat kirin
Hate zanîn ku rejîm ligel zordariyên cuda, lêpirsînên berfireh jî didomîne. Daneyên ajnasê nîşan didin ku heta niha itîrafên bi zorê yên 307 kesan hatina weşandin û ji bo îfadeyên wan were girtin jî celba 11 hezar 046 kesan hatiye derxistin.
Li 210 bajaran 674 çalakî pêk hatin
Daneyên ajansa navborî nîşan dide ku di dema serhildanê de tevahiya bajarên Îranê tev li berxwedanê bûne. Li gorî daneyan li 31 parêzgehan 210 bajaran bi giştî 674 xwepêşandan hatine li darxistin.
Parlementerê rejîmê îtîraf kir: Biryara lêdanê hate dayîn
Fermandarê Kevin yê Muhafizên Şorerê û parlamenterê Îranê Esmail Kowsarî li ser êrişên rejîmê agahî dan Rouydad24ê. Esmail Kawsarî xwepêşandana gelên Îran û Rojhilatê Kurdistanê wek derbeya li dijî rejîma Îranê pênase dike û wiha dibêje: “Heta roja 7ê Çileya 2026an mudaxeleya çek pêk nehat lê piştî xwepêşandan mezintir bû Firmandariya Konseya Neteweyiya Bilind ya Ewlehiyê biryar da ku Basij û Mihafizên Şoreşê êrişê xwepêşandêran bikin.” Kawsarî qirkirina xwepêşandêran wek serkeftina rejîmê pênase dike û wiha dibêje: “Ev hewildana darbeyê ya li dijî rejîmê bi lutfa Xweda hêzên leşkerî bêbandor kir.”
