Însîyatîfê Azadîya Abdullah Ocalanî yê Sûrîye, bi minasebetê serrgêra 27. ya Komployê Mîyanneteweyî yê15ê Sibate Qamişlo de vernîya awanîya xo de eşkerayî daye.
Însîyatîfî vat: “Ma do 2026î bikerê serra azadîye, serra azadîya Rayberê Apoyî û azadîya şarê kurdanê her cayî.”
Eşkerayî de ame vatene ke 15ê sibata 1999î de hêzanê mîyanneteweyîyan hemverê şarê kurdî de yew komployo girs awan kerd û Rayber û fîlozof Abdullah Ocalan paytextê Kenya Naîrobî ra ame remnayene û ame esîrkerdene. 27 serrî bi xoverdayîş û tepşê xo yê bi qerardarîye Rayberê Apo şarê kurdî reyde hemverê sîyasetanê tewr giranan ê zordarîye, înkar û qirkerdişî de vindert. Hertim seba çareserîya demokratîke xebitîya û no sey tekane rayîrê haştîye dî.
Eşkerayî de ame vatene ke hêrişê ke wextê peyênî de Rojawanî ser o ameyî kerdene, dewamê nê komployî yê. La şarê kurdî heme parçeyanê Kurdîstanî de û teber ra hertim îspat kerdo ke îradeyê ci nêeşkeno bêro şikitene. Xoverdayîşê şerkarê YPG û YPJyî seba şarê herême û dinya bîyo çimeyê îlhamî.
Eşkerayî wina qedîyaye: “Komployo ke hemverê kurdan de ame awan kerdene çiqas bi hêz bibo zî nêeşkeno xoverdayîşî bişikno. Vera ney de do bibo wesîleyê awankerdişê ameyoxêko roşnêr û serkewteyêr. Ma do 2026î bikerê serra azadîye, serrê azadîya Rayberê Apoyî û azadîya şarê kurdanê her cayî.”
