Ajansa Nûçeyan a Hawarê (ANHA) û Rojnews ragihandin ku ew ê servîsên xwe yên Tirkî bigirin û giraniya xwe bidin zimanên li herêmê tên axaftin.
Rojnews û ANHA destnîşan kirin ku ew ê giraniya xwe bidin ser zimanên li herêmê tên axafatin û dan zanîn ku ew ê têkildarî mijarê servîsên xwe yên Tirkî bigirin. Rojnews û ANHA yên ku bi salan e servîsên xwe yên Tirkî nûçeyan ji şopînerên xwe amade dikin, ji bo piştgiriyê spasî li şopînerên xwe kirin. Her du ajans destnîşan kirin ku ew ê di 30ê Îlona 2025an de servîsên xwe yên Tirkî bigirin.
‘Dê giraniyê bidin zimanên li herêmê’
Rojnews geşedanên li Başur, Iraq, Îran û Rojhilata Navîn bi zaravayên Kurmancî, Soranî yên Kurdî, Tirkî, Erebî li herêma Federe ya Iraqê; ANHA jî geşedanên Bakur û Rojhilatê Sûriyeyê, Sûriyeyê û Rojhilata Navîn bi Kurdî, Erebî, Tirkî, Îngîlîzî, Îspanyolî û Rûsî li Bakur û Rojhilatê Sûriyeyê xebata weşanên xwe didomînin. Her du servîs jî ji bo eleqeya şopînerên xwe yên servîsa Tirkî spasî kirin. Tê texmînkirin ku dê ev geşedan bikaranîna zimênên li herêman tên axaftin bêhtir teşwîq bike û rê li ber otoasîmîlasyonê bigire.
