Endam û rêvebirên DMMO yê li Amedê li ber avahiya DMMO yê, derheqê derengmayina e-Defteran de ku dibe sedemê cezayên giran daxûyanî da. Di daxuyaniyê de endam û rêvebirên DMMOyê dovizên “Êdî bes e” rakirin.
Seroka Odeya Şewirmendên Darayî yên Serbixwe Amîne Demîr Çobanê metna daxuyaniyê xwend.
Amîne Demîr Çobanê diyarkir ku ew wekî hesabgirên giştî yên sertîfîkayî, bi fedakariyeke mezin dixebitin da ku pergala bacê ya welêt bi awayekî baş bixebite û wiha got: “Lêbelê, sepandina cezayên pir giran ên vê dawiyê ji bo derengketinên kurt jî di sertîfîkayên e-defter de, di nav civaka me ya pîşeyî de fikarên cidî çêkiriye.”
Desthilata giştî, divê tedbîrên aborî bigire û çareseriyan peyda bike
Seroka Odeya Şewirmendên Darayî yên Serbixwe Amîne Demîr Çobanê da zanîn ku di demên dawîn de, bi derengmayîna e-Defteran jî cezayên pir bilind tên birîn û wiha pê de çû: “Vê rewşê di nav civakên me yên pîşeyî de pirsgirêkeke cidî çêkir. Li gor madeya 355ê ya Qanûna Rêveberiya Bacê, di derbarê derengketinên ji ber sedemên weke astengiyên teknîkî, kar û barê zêde û qutbûna demkî ya di sîstemên rêveberiya dahatûyê de, birîna cezayên heta 28 hezar TL ne li gorî prensîbên edalet û pîvanbûnê ye. Herwiha ji ber heman sedemekê hem cezayên bêdengiya (VEK 352) û hem jî cezayên bêdengiya taybet (VEK 355) bi hev re tên sepandin, ev bêhevsengiya zêdetir dibe. Li aliyekî din, em ne rewşenbîrên darayî ne ku berpirsiyarê enflasyonê ya bilind ku li welatê me heye. Ger ji bo aborî were sererastkirin, ne rast e ku bi cezayên giran û daxwazên berdewam ên zelaliyê, barê vê yekê li ser karmendên pîşeyî bar bikin. Desthilata giştî, divê tedbîrên aborî bigire û çareseriyan peyda bike. Pirsgirêkên aborî bi cezayên giran nayên çareserkirin.”
