Di pêşengiya TJA, DBP û DEM Partiyê de li bajarên Hatay û Osmaniye civînên gel hatin lidarxistin.
TJA, DBP û DEM Partiyê li civînên gel ên Aştî û Civaka Demokratîk li gelek bajar navçe û gundan civînên gel ên bi navê “Civînên Aştî û Civaka Demokratîk” didome.
Li herêma çukurovayê wekî bajarên Mersîn, Edene Hatay û Osmaniyê civînên gel ên di çarçoveya pêvajoya avakirina civaka demokratîk de bê navber didomin.
Li herêmê Navçe bi navçe, tax bi tax û kolan bi kolan ji bo pêvajoya “ aştî û civaka demokratîk” seferberiyekî kolektîf her awayî xwe dide xûyakirin.
Gel di civînan de eleqeyekî gelek mezin nîşan dide. Bi taybetî di demên dawî de eleqeya jin, ciwan û dayikan di asta herî jor de ye. Di civînan de banga 27ê Sibatê ya Rêberê Gelê Kurd Abdullah Ocalan û pêvajoya têkildarî wê tê parvekirin. Dîsa peywirên dikeve li ser milê gel, jin û ciwanan tê parvekirin. Şik û gûmanên ku heyî ji aliyên ragihandvanan ve tê derbaskirin.
Di civînan de tişta derdikeve pêş yek jî baweriya gel a bi tevger û Rêberê Gelê Kurd Abdullah Ocalan re ye. Kesên beşdarî civînê dibin û diaxivin dibêjin: “Serokê me çi bêje ew e. Em li serokê xwe û tevgera xwe bê şik û gûman bawerin. Lê belê heyanî vê gavê jî dewletê gav neavêtiye. Ev gûmanan bi me re çê dike. Ger dewlet û hûkûmeta wê samîmî be wê gavên erênî gavêjin. Ji bo wê divê girtiyên nexweş, girtiyên ku cezayên wan qediyayî serbest berdin. Ya herî girîng jî divê şert û mercên rêbertiya me baş bikin. Em dixwazin ji bo samîmîyeta dewletê gavên bi vî rengî werin avêtin. Ji derveyî van heyanî dawî em bi serokatiya xwe re ne. Çi bikeve li ser milê me em amade ne.” Civîn bi çepik û durûşmeyan bi dawî dibin.
Li Nisêbêbînê civîn didomin
Li navçeya Nisêbînê ya Mêrdînê jî civînên gel didomin. Heta niha li taxa Koçeran, Alikan, Aşitiyê, 8ê Adarê, Yenîturan, Dîcle, Girnewaz, Qişla û Dewrimê civîn hatine darxistin. Di van civînan de gelemperî pêvajo hate nîqaşkirin, erk û berpirsiyarê demê çi ne hatine nirxandin.
Eleqeya gel a li hemberî civînan û pêvajoyê zêde ye. Piştgiriya hemleyê di her civînê de tê bilêvkirin. Gel baweriya xwe ya bi Rêberê Gelê Kurd Abdullah Ocalan û Tevgera Azadiyê re tîne ziman. Lê dîsa fikarên wek “Dibe dewlet car din me bixapîne”, “Fên û fûtên dewletên zehf in loma divê zû bi zû bawer nekin”, “Dewlet dê gavan bavêje an na?” dipirsin. Di dawiya civînan de rixmî sayişan jî gelemperiya gel nêrîna “Em ê hatanî dawiyê bi Serok û Tevgera xwe re bin.” tînin ziman.
