Navenda Nûçeyan – Rejîma Îranê li Girtîgehan her roj mirovan darve dikin. Tenê di 9 rojên dawî de 33 welatî darve kirin. Tenê di 11 mehên dawî de 1503 mirov hatin darvekirin.
Li gorî amarên ku li Navenda Amar û Beleyan a Saziya Mafê Mirovî ya Hengawê hatine tomarkirin, ji destpêka 2025an heta 25ê Mijdarê li Îranê Hezar û 503 (1.503) girtî hatin darvekirin. Di nava wan de 231 girtiyên hatin darvekirin Kurd in. Dîsa di nava wan de 196 Lor, 138 Tirkên Azerî û 128 girtî jî hemwelatiyên Belûçî ne. Dîsa di nava wan de 45 jin û 78 hevwelatiyên Efxanî hatine darvekirin.
Ji destpêka sala 2025an heta 25ê Mijdara 2025an, li seranserê Îranê herî kêm 176 jin hatin kuştin. Rayedarên dewleta Rejîma Îranê di vê demê de 136 jin girtin. Li gorî daneyên ku ji hêla Navenda Statîstîk û Belgekirinê ya Rêxistina Hengaw a Mafên Mirovan ve hatine tomar kirin, 163 çalakvanên jin girtin û şandin girtîgehê.
Tenê dema mirov li 8 rojên dawî binere rêjeya darvekirinê nîşan dide ku Rejîma Îranê her hefte bi dehan kesan darve dike.
Rejîma Îranê 2 girtiyên bi navê Subhan Ceiferî û Mihemedkerîm Muradî li girtîgehên Xuremava û Kirmaşanê darve kirin.
Rayedarên Îranê di 28ê mijdarê de 5 girtî li girtîgehên cuda li Quçan, Saveh, Mahşehr, Malayer û Borazcanê darve kirin. Du ji kesên îdamkirî Ereb bûn.
Di 27ê mijdarê de 7 girtî li girtîgehên Şîraz û Îsfehanê darve kirin.
Di 26ê mijdarê de li girtîgehên Gorgan, Nîşapûr, Kaşan, Sabzewar û Alîguderzê 6 girtiyên bi navê Emîn Çarbaşî, Golamalî Eftexarî, Hamîd Emînî, Aşkan Sohrabî, Erselan Behbahanî û Qasim Sarlak darve kirin.
Di 23ê mijdarê de rejîmê 13 girtiyên din yên bi navê Rehman Molûdî, Mîrza Cenelîzade, Emîr Nosret Pîryan, Mihemed Husên Ekberî, Emîr Moradî, Hemîdreza Pîrhadî, Yehya Keremî, Ekber Feracî, Secad Hebîbî, Mihemedreza Beşaret, Mislim Naderî, Elyas Rehîmpûr, û Elî Şebanî îdam kirin. Ahvaz, Sarî, Borucerd, Îsfehan, Qezwîn û Qûmê berê mahkûm kirin û piştre darve kirin.
Li gori nûçeyên HENGAWê jî di Cotmeha 2025an de li girtîgehên Îranê herî kêm 241 girtî hatine darvekirin. Di Cotmeha 2024an de jî 161 mirov hatibûn darvekirin.
Navenda Mafê Mirovan a Îranê destnîşan kir ku Rejîma Îranê di Cotmehê de nêzî 311 girtî hatin darvekirin.
Di 10 salên navbera 2013 û 2023yan de li gorî raporên mafên mirovan ên Îranê Rejîma Îranê nêzî 4 hezar û 829 kes darve kirin.
